مرقس 15:16 - کِتاب مُقدّس سرائیکی ترجمہ

¹⁶ سپاہی اُونکُوں اُوں صحن ءچ گِھن گئے جیہڑا گورنر دے قلعہ دا حصہ ہا تے ساری پلٹن کُوں سڈوا گِھدا۔

مرقس 15:16 Referans Kwoze

یُوحنّا 19:9

او ولا قلعہ ءچ چلیا گِیا تے یسُوع تُوں پُچھیا، ”تُوں کِتھوں دا ہیں؟“ پر یسُوع اُونکُوں جواب نہ ڈِتا۔

یُوحنّا 18:28

وَل یہُودی راہنما سویل نال یسُوع کُوں کائفا دے کولُھوں رومی گورنر دے قلعہ ءچ گِھن گئے۔ پر او خود قلعہ دے اندر نہ گئے تاں جو ناپاک نہ تھی ونجنڑ بلکہ فسح دا کھانڑا کھا سگنڑ۔

متّی 26:3

اُوں ویلے سردار کاہِن تے قوم دے بزُرگ کاہِن ِ اعظم کائفا دی حویلی ءچ جمع تھئے۔

اعمال 10:1

قیصریہ ءچ کُرنیلیُس ناں دا ہِک بندہ ہا۔ او رومی فوج دے اطالوی دستے دا صوبیدار ہا۔

یُوحنّا 18:33

وَل پِیلاطُس قلعہ ءچ واپس چلیا گِیا تے یسُوع کُوں اُتھاں سڈوا تے اُوں کنُوں پُچھیا، ”کیا تُوں یہُودیاں دا بادشاہ ہیں؟“

مرقس 15:17

اُنہاں اُونکُوں جامنی چوغہ پوایا تے کنڈیاں دا تاج بنڑا تے اُوندے سر اُتے رکھیا،

یُوحنّا 19:2

سپاہیاں کنڈیاں دا تاج بنڑا تے اُوندے سر اُتے رکھیا تے اُونکُوں جامنی چوغہ پوایا۔