مرقس 15:15 - کِتاب مُقدّس سرائیکی ترجمہ

¹⁵ پِیلاطُس لوکاں کُوں خوش کرݨ سانگے برابّا کُوں چھوڑ ڈِتا، تے یسُوع کُوں مصلُوب کرݨ کیتے کوڑے مروا تے سپاہیاں دے حوالے کر ڈِتا۔

مرقس 15:15 Referans Kwoze

یُوحنّا 19:1

وَل پِیلاطُس یسُوع کُوں گِھن گِیا تے کوڑے مروائے۔

متّی 27:26

وَل پِیلاطُس اُنہاں کیتے برابّا کُوں چھوڑ ڈِتا تے یسُوع کُوں کوڑے مروا تے مصلُوب کرݨ کیتے سپاہیاں دے حوالے کر ڈِتا۔

مرقس 10:34

جیہڑے اُوندا مذاق اُڈیسن تے اُوندے اُتے تُھوکیسن، تے اُونکُوں کوڑے مریسن، تے قتل کریسن۔ پر ترے ڈینہہ بعد او زندہ تھی ویسی۔“

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

یُوحنّا 19:16

ایہ گالھ سُنڑ تے پِیلاطُس اُونکُوں اُنہاں دے حوالے کر ڈِتا جو اُونکُوں صلیب اُتے چڑھا ڈیوݨ۔ بس او یسُوع کُوں گِھن گئے۔

گلتِیوں 1:19

پر ڈُوجھے رسُولاں ءچوں کہیں کُوں نہ مِلیا سوائے خُداوند دے بِھرا یعقُوب دے۔

اعمال 25:9

پر فیستُس خود کُوں یہُودیاں دا خیر خواہ ثابت کرݨ چاہندا ہا، اِیں واسطے اُوں پولُس کُوں آکھیا، ”کیا تیکُوں یروشلیم ونجنڑ منظور ہے تاں جو مَیں اِیں مقدمہ دا فیصلہ اُتھاں کراں؟“

اعمال 24:27

ڈُو سالاں بعد فیلِکس دی جاہ پُرکِیُس فیستُس گورنر مقرر تھیّا تے فیلِکس خود کُوں یہُودیاں دا خیر خواہ ثابت کرݨ کیتے پولُس کُوں قید ءچ ای چھوڑ گِیا۔

لُوقا 18:33

تے اُونکُوں کوڑے مریسن تے قتل کریسن تے او تریجھے ڈینہہ زندہ تھی ویسی۔“

متّی 20:19

تے اُونکُوں غیر قوماں دے حوالے کریسن تاں جو او اُوندا مذاق اُڈاوݨ، کوڑے مارݨ تے مصلُوب کرݨ۔ پر او تریجھے ڈینہہ زندہ تھی ویسی۔“

مرقس 15:14

تے پِیلاطُس اُنہاں کُوں آکھیا، ”کیوں، اُوں کیہڑی بُرائی کیتی ہے؟“ پر او مزید شور مچا تے آکھنڑ لگے ”اِینکُوں صلیب اُتے چڑھاؤ۔“

لُوقا 23:16

بس مَیں اُونکُوں کُٹوا تے چھوڑ ڈیندا ہاں۔“