مرقس 14:69 - کِتاب مُقدّس سرائیکی ترجمہ

⁶⁹ او کنیز اُونکُوں ڈیکھ تے آپنڑے کولھ کھڑے ہوئے لوکاں کُوں ہِک واری ولا آکھنڑ لگی، ”ایہ اُنہاں ءچوں ہے۔“

مرقس 14:69 Referans Kwoze

گلتِیوں 6:1

بِھراؤ! جے کوئی کہیں گُناہ ءچ پَھس ونجے تاں تُساں جیہڑے رُوحانی ہیوے، ایجھے بندے کُوں حلیمی نال بحال کر ڈیؤ۔ پر آپنڑا وی خیال رکھو جو کِتھائیں تُساں وی کہیں ازمائش دا شکار نہ تھی ونجو۔

یُوحنّا 18:25

جِیں ویلے شمعون پطرس کھڑا بھاہ سکیندا پِیا ہا تاں کہیں اُوں کنُوں پُچھیا، ”کیا تُوں وی اُوندے شاگرداں ءچوں ہیں؟“ اُوں اِنکار کریندے ہوئے آکھیا، ”مَیں نئیں۔“

یُوحنّا 18:17

دربان عورت پطرس کنُوں پُچھیا، ”کیا تُوں وی اُوں بندے دے شاگرداں ءچوں ہیں؟“ اُوں آکھیا، ”مَیں نئیں۔“

لُوقا 22:58

تھوڑی دیر بعد کہیں بئے اُونکُوں ڈیکھ تے آکھیا جو ”تُوں وی اُنہاں ءچوں ہیں۔“ پطرس آکھیا، ”میاں! مَیں نئیں۔“

مرقس 14:38

جاگدے تے دُعا کریندے راہو تاں جو ازمائش ءچ نہ پوو۔ رُوح تاں تیار ہے پر جِسم کمزور ہے۔“

مرقس 14:68

اُوں اِنکار کیتا تے آکھیا، ”مَیں نہ کُجھ جانڑدا ہاں تے نہ ای سمجھدا ہاں جو تُوں کیا آدھی ہیں۔“ وَل او باہر ڈیوڑھی ءچ چلیا گِیا تے کُکڑ بانگ ڈِتی۔

مرقس 14:70

پر اُوں ولا اِنکار کیتا۔ تھوڑی دیر بعد اُتھاں کھڑے ہوئے لوکاں پطرس کُوں ولا آکھیا، ”بےشک تُوں اُنہاں ءچوں ہیں کیوں جو تُوں گلیل دے علاقے دا ہیں۔“