مرقس 14:65 - کِتاب مُقدّس سرائیکی ترجمہ

⁶⁵ کُجھ اُوندے اُتے تُھکیا تے کُجھ اُوندے اکھیں اُتے پٹی بَدھ تے اُونکُوں مُکے مارݨ تے اُونکُوں آکھنڑ لگے، ”نبُوّت کر جو کئیں مارے!“ سپاہیاں وی اُونکُوں چماٹاں مار تے آپنڑے قبضہ ءچ گِھن گِھدا۔

مرقس 14:65 Referans Kwoze

اعمال 23:2

اِیندے تے کاہِن ِ اعظم حننیاہ اُوندے کولھ کھڑے لوکاں کُوں حُکم ڈِتا جو اُوندے مُنہ اُتے چاٹ مارو۔

یُوحنّا 19:3

وَل اُوندے سامنڑے آ تے آدھے ہَن، ”یہُودیاں دے بادشاہ! آداب“ تے اُوندے چاٹاں وی ماریاں۔

یُوحنّا 18:22

جِیں ویلے یسُوع ایہ آکھیا تاں سپاہیاں ءچوں ہِک جیہڑا کولھ کھڑا ہا، اُونکُوں چاٹ ماری تے آکھیا، ”تُوں کاہِن ِ اعظم کُوں اِینویں جواب ڈیندیں؟“

مرقس 15:19

تے او اُوندے سر اُتے کانے مریندے تے اُوندے اُتے تُھوکیندے تے گوڈے ٹیک تے اُونکُوں سجدہ کریندے ریہے۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

مرقس 10:34

جیہڑے اُوندا مذاق اُڈیسن تے اُوندے اُتے تُھوکیسن، تے اُونکُوں کوڑے مریسن، تے قتل کریسن۔ پر ترے ڈینہہ بعد او زندہ تھی ویسی۔“

متّی 27:30

تے اُوندے اُتے تُھکیا تے اُوہو کانا گِھن تے اُوندے سر اُتے مارݨ لگے۔