مرقس 14:6 - کِتاب مُقدّس سرائیکی ترجمہ

⁶ یسُوع آکھیا، ”اُونکُوں چھوڑ ڈیؤ۔ اُونکُوں کیوں پریشان کریندے ہیوے؟ اُوں تاں میڈے نال بھلائی کیتی ہے۔

مرقس 14:6 Referans Kwoze

عبرانیوں 13:21

تُہاکُوں ہر چنگی شے ڈیوے تاں جو تُساں اُوندی مرضی پُوری کر سگو، تے جیہڑا کُجھ اُوندی نظر ءچ پسندیدہ ہے، او یسُوع مسیح دے وسیلے نال ساڈے ءچ پیدا کرے۔ مسیح دی تعریف ہمیشاں تئیں تھیندی راہوے۔ آمین۔

عبرانیوں 10:24

تے آؤ اساں غور کرُوں جو کِینویں ہِک ڈُوجھے کُوں محبت تے نیک کم کرݨ کیتے اُبھار سگدے ہیں۔

طِطُس 3:14

ساڈے لوکاں کُوں وی چاہیدے جو او چنگے کماں ءچ لگے راہونڑا سِکھنڑ تاں جو ضرورتاں کُوں پُورا کر سگنڑ تے بے پھل زندگی نہ گُزارݨ۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

2 تِیمُتھِیُس 2:21

بس جے کوئی آپنڑے آپ کُوں اِنہاں بے ہُودہ گالھیں کنُوں پاک صاف رکھیسی تاں او عزت کیتے اِستعمال تھیوݨ آلے تھاں وانگُوں بنڑ ویسی۔ او مُقدّس ہوسی، آپنڑے مالک دے کم آسی تے ہر نیک کم کیتے تیار تھیسی۔

اِفِسیوں 2:10

کیوں جو اساں خُدا دی کاریگری ہیں تے اُوں ساکُوں مسیح یسُوع ءچ نیک کماں کیتے نویں سِروں پیدا کیتا۔ ایہ نیک کم اُوں پہلے ای ساڈے کیتے تیار کیتے ہَن۔

اعمال 9:36

تے یافا ءچ ہِک شاگردہ ہئی جِیندا ناں تبِیتا ہئی جِیندا مطلب ہرنی ہے، او بہُوں ای نیک کم کریندی تے خیرات کریندی راہندی ہئی۔

متّی 26:10

یسُوع ایہ جاݨ تے اُنہاں کُوں آکھیا جو ”تُساں اِیں عورت کُوں کیوں پریشان کریندے ہیوے؟ اِیں تاں میڈے نال بھلائی کیتی ہے۔

طِطُس 3:8

ایہ گالھ سچ ہے تے مَیں چاہندا ہاں جو تُوں اِنہاں گالھیں اُتے خاص زور ڈے تاں جو خُدا اُتے اِیمان گِھن آوݨ آلے دھیان نال نیک کماں ءچ مصروف راہوݨ۔ ایہ گالھیں سبھ کیتے چنگیاں تے مفید ہِن۔

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،

2 تِیمُتھِیُس 3:17

تاں جو خُدا دا بندہ کامِل بنڑے تے ہر ہِک نیک کم کرݨ کیتے تیار تھی ونجے۔

1 تِیمُتھِیُس 6:18

اُنہاں کُوں حُکم ڈے جو او نیکی کرݨ تے نیک کماں دے لحاظ نال دولت مند بنڑݨ تے ہمیشاں سخاوت کر تے ڈُوجھیاں دی مدد کرݨ کیتے تیار راہوݨ۔

1 تِیمُتھِیُس 5:10

تے نیک کم کرݨ ءچ مشہور ہووے یعنی اُوں آپنڑے بالاں دی تربیت کیتی ہووے، مہمان نوازی کیتی ہووے، مُقدّساں دی خدمت ءچ اُنہاں دے پیر دھوتے ہووݨ، مُصیبت دے ماریاں دی مدد کیتی ہووے تے ہر نیک کم کرݨ ءچ مصروف ریہی ہووے۔

2تھِسّلُنیکیوں 2:17

تُہاڈے دِلاں کُوں تسلی بخشے تے ہر نیک کم تے کلام ءچ تُہاکُوں مضبوط کرے۔

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

2کُرِنتھِیوں 10:18

کیوں جو جیہڑا آپنڑی تعریف کریندے، او مقبول نئیں بلکہ جِینکُوں خُداوند نیک سمجھدے، اُوہو مقبول ہے۔

2کُرِنتھِیوں 9:8

خُدا تُہاڈے اُتے ہر طرحاں دا فضل کثرت نال کر سگدے، تاں جو تُہاڈے کولھ ہمیشاں ہر چیز ضرورت کنُوں زیادہ ہووے تے ہر ہِک نیک کم کیتے تُہاڈے کولھ بہُوں کُجھ موجود ہووے۔

1 پطرس 2:12

غیر قوماں ءچ آپنڑا چال چلنڑ ایجھا نیک رکھو جو بیشک او تُہاڈے اُتے بدکار ہووݨ دے اِلزام لیندن پر تُہاڈے نیک کماں کُوں ڈیکھ تے عدالت دے ڈینہہ خُدا دی حمد کرݨ۔

مرقس 14:5

ایہ عِطر ترے سو دینار کنُوں زیادہ ءچ وِک تے غریباں کُوں ڈِتا وَنج سگدا ہا۔“ تے او اُونکُوں جِھڑکنڑ لگے۔

مرقس 14:7

کیوں جو غریب تاں ہمیشاں تُہاڈے نال راہسن۔ جِیں ویلے چاہو اُنہاں نال نیکی کر سگدے ہیوے پر مَیں تُہاڈے نال ہمیشاں نہ راہساں۔