مرقس 14:58 - کِتاب مُقدّس سرائیکی ترجمہ

⁵⁸ ”اساں اُونکُوں ایہ آدھے سُنڑیا ہے جو ’مَیں اِیں ہیکل کُوں جیہڑی ہتھ دی بنڑی ہے، ڈھا ڈیساں تے ترے ڈینہہ ءچ ڈُوجھی کھڑی کر ڈیساں جیہڑی ہتھ دی نہ بنڑی ہوسی‘۔“

مرقس 14:58 Referans Kwoze

عبرانیوں 9:11

پر ہُنڑ مسیح کاہِن ِ اعظم بنڑ تے آ گئے تے ساکُوں چنگیاں برکتاں مِلدیاں پئیاں ہِن۔ او عظیم تے کامِل تمبُو ءچ داخل تھی گِیا ہے جیہڑا اِنسانی ہتھاں دا بنڑایا ہویا نئیں یعنی اِیں دُنیا دا نئیں۔

2کُرِنتھِیوں 5:1

اساں جانڑدے ہیں جو جِیں ویلے ایہ تمبُو یعنی ساڈا بدن ڈھا ڈِتا ویسی جیہڑا زمین اُتے ساڈا گھر ہے تاں ساکُوں خُدا کنُوں اسمان اُتے ایجھا گھر مِلسی جیہڑا اِنسانی ہتھ دا بنڑیا ہویا نئیں بلکہ ابدی ہے۔

یُوحنّا 2:19

یسُوع جواب ءچ اُنہاں کُوں آکھیا ”اِیں ہیکل کُوں سَٹ ڈیؤ تاں مَیں ترے ڈینہہ ءچ ولا کھڑا کر ڈیساں۔“

عبرانیوں 9:24

مسیح اِنسانی ہتھاں دے بنڑے مُقدّس گھر ءچ داخل نئیں تھیّا، جیہڑا حقیقی مُقدّس گھر دی صرف نقل ہے، بلکہ اسمان ءچ ای داخل تھیّا تاں جو او ساڈی خاطر خُدا دے سامنڑے حاضر تھیوے۔

اعمال 7:48

پر خُدا تعالیٰ، اِنسانی ہتھاں دے بنڑائے ہوئے گھراں ءچ نئیں راہندا، جِینویں نبی آکھیا ہے جو

مرقس 15:29

تے اُتھوں کنُوں لنگھنڑ آلے سر ہِلا ہِلا تے اُونکُوں لعن طعن کریندے تے اکھیندے ہَن جو ”واہ! ہیکل کُوں ڈھا تے ترے ڈینہہ ءچ بنڑاوݨ آلے،

متّی 26:61

”اِیں آکھیا ہا جو مَیں خُدا دی ہیکل کُوں ڈھا تے ترے ڈینہہ ءچ ولا کھڑا کر سگدا ہاں۔“

مرقس 14:57

وَل کُجھ لوکاں کھڑے تھی تے اُوندے خلاف ایہ کُوڑی گواہی ڈِتی جو

مرقس 14:59

پر اِیں پھیری وی اُنہاں دی گواہی آپس ءچ نہ مِلدی ہئی۔