مرقس 14:36 - کِتاب مُقدّس سرائیکی ترجمہ

³⁶ تے آکھیا، ”ابّا! باپ! تیڈے کیتے سبھ کُجھ ممکن ہے۔ ڈُکھ دے اِیں پیالے کُوں مَیں کنُوں ہٹا گِھن۔ وَل وی جیہڑا مَیں چاہندا ہاں او نئیں بلکہ جیہڑا تُوں چاہندیں، اُوہو تھیوے۔“

مرقس 14:36 Referans Kwoze

گلتِیوں 4:6

کیوں جو تُساں پوتر ہیوے اِیں واسطے خُدا آپنڑے پوتر دا رُوح القُدس ساڈے دِلاں ءچ بھیجیا تے او ”ابّا“ یعنی ”باپ“ آکھ تے سڈیندا راہندے۔

یُوحنّا 5:30

مَیں آپنڑے آپ کنُوں کُجھ نئیں کر سگدا۔ مَیں جِینویں سُنڑدا ہاں عدالت کریندا ہاں، تے میڈی عدالت سچی ہے کیوں جو مَیں آپنڑی مرضی نئیں بلکہ آپنڑے بھیجنڑ آلے دی مرضی چاہندا ہاں۔

2 تِیمُتھِیُس 2:13

جے اساں بےوفا تھی ویسوں، وَل وی او وفادار راہسی کیوں جو او خود آپنڑا اِنکار نئیں کر سگدا۔

یُوحنّا 12:27

ہُنڑ میڈا دل گھبریندا ہے، بس مَیں کیا آکھاں؟ باپ! میکُوں اِیں ویلے کنُوں بچا؟ نئیں، مَیں تاں اِیں مقصد کیتے اِیں ویلے تئیں پُجیا ہاں۔

طِطُس 1:2

تے اُوں ہمیشاں دی زندگی دی اُمید اُتے قائم راہوݨ، جِیندا وعدہ خُدا جیہڑا کُوڑ نئیں مریندا، زمانے دے شروع تھیوݨ کنُوں وی پہلے کر ڈِتے۔

فِلِپّیوں 2:8

اُوں اِنسانی شکل ءچ ظاہر تھی تے آپنڑے آپ کُوں پست کر ڈِتا تے موت بلکہ صلیبی موت تئیں فرمانبرداری کیتی۔

یُوحنّا 18:11

پر یسُوع پطرس کُوں آکھیا، ”آپنڑی تلوار کُوں واپس رکھ، کیا مَیں ڈُکھ دا او پیالہ نہ پِیواں جیہڑا میڈے باپ میکُوں ڈِتے؟“

مرقس 10:27

یسُوع اُنہاں دو نظر کر تے آکھیا، ”اِنسان کیتے تاں ایہ ناممکن ہے پر خُدا کیتے سبھ کُجھ ممکن ہے۔“

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

متّی 26:39

وَل ذرا اگُوں وَنج تے او زمین اُتے مُنہ دے بھار ڈھے تے دُعا کرݨ لگا جو ”میڈے باپ، جے ممکن ہووے تاں ڈُکھ دا ایہ پیالہ مَیں کنُوں ٹَل ونجے، وَل وی جیہڑا مَیں چاہندا ہاں او نئیں بلکہ جیہڑا تُوں چاہندیں اُوہو تھیوے۔“

متّی 6:9

بس تُساں اِینویں دُعا کیتا کرو جو ساڈے باپ، تُوں جیہڑا اسمان اُتے ہیں تیڈا ناں پاک منیا ونجے۔

عبرانیوں 6:18

کیوں جو خُدا کُوڑ نئیں مار سگدا، اِیں واسطے خُدا دا وعدہ تے خُدا دی قَسم ڈُو ایجھیاں چیزاں ہِن جیہڑیاں لاتبدیل ہِن۔ تے اِنہاں دی وجہ کنُوں اساں جیہڑے پناہ کیتے خُدا دو بھج آئے ہیں، وڈے حوصلے نال اُوں اُمید کُوں جیہڑی ساڈے سامنڑے ہے، پکڑی رکھ سگدے ہیں۔

متّی 26:42

وَل او چلیا گِیا تے ایہ آکھ تے دُعا کیتی، ”میڈے باپ! جے ایہ پیالہ میڈے پیتے بغیر ٹَل نئیں سگدا تاں تیڈی مرضی پُوری تھیوے۔“

مرقس 14:37

وَل او آیا تے اُنہاں کُوں سُتا ڈیکھ تے پطرس کُوں آکھیا، ”شمعون! تُوں سُتا پئیں؟ کیا تُوں ہِک گھڑی وی جاگ نہ سگیا؟

مرقس 10:39

اُنہاں جواب ڈِتا، ”اساں کر سگدے ہاں۔“ یسُوع اُنہاں کُوں آکھیا، ”جیہڑا پیالہ مَیں پِیوݨ آلا ہاں تُساں پِیسو، تے جیہڑا بپتسمہ مَیں گِھننڑ آلا ہاں، تُساں گِھنسو۔