مرقس 14:22 - کِتاب مُقدّس سرائیکی ترجمہ

²² کھانڑا کھاندے ویلے یسُوع روٹی گِھدی تے شُکر کر تے تروڑی تے اُنہاں کُوں ڈِتی تے آکھیا، ”گِھنو، ایہ میڈا بدن ہے۔“

مرقس 14:22 Referans Kwoze

مرقس 14:24

اُوں اُنہاں کُوں آکھیا، ”ایہ خُدا دے عہد کُوں قائم کرݨ آلا میڈا خون ہے جیہڑا بہُوں ساریاں کیتے وہایا ویندے۔

لُوقا 24:30

جِیں ویلے او کھانڑا کھاوݨ کیتے اُنہاں دے نال بیٹھا تاں اُوں روٹی گِھن تے برکت ڈِتی تے تروڑ تے اُنہاں کُوں ڈیوݨ لگا۔

یُوحنّا 6:23

وَل کُجھ چھوٹیاں کشتیاں تِبریاس تُوں اُوں جاہ دے نیڑے آئیاں جِتھاں اُنہاں یسُوع مالک دے شُکر کرݨ دے بعد روٹی کھادی ہئی۔

مرقس 6:41

وَل اُوں او پنج روٹیاں تے ڈُو مچھیاں گِھدیاں تے اسمان دو ڈیکھ تے برکت ڈِتی، تے روٹیاں تروڑ تے شاگرداں کُوں ڈیندا گِیا جو لوکاں دے اگُوں رکھنڑ تے او ڈُو مچھیاں وی سارے لوکاں ءچ وَنڈ ڈِتیاں۔

متّی 14:19

تے اُوں لوکاں کُوں گھاہ اُتے بَہوݨ دا حُکم ڈِتا۔ وَل پنج روٹیاں تے ڈُو مچھیاں گِھدیاں تے اسمان دو ڈیکھ تے برکت ڈِتی، تے روٹیاں تروڑ تے شاگرداں کُوں ڈِتیاں تے شاگرداں لوکاں کُوں۔

گلتِیوں 4:25

ہاجرہ عرب دے کوہ ِ سِینا دو اِشارہ ہے تے موجودہ یروشلیم دو وی، کیوں جو یروشلیم آپنڑے بالاں سمیت غُلامی ءچ ہے۔

1کُرِنتھِیوں 10:4

تے ساریاں ہِکو رُوحانی پانڑی پِیتا، کیوں جو او اُوں رُوحانی چٹان کنُوں پانڑی پِیندے ہَن جیہڑی اُنہاں دے نال چلدی ہئی تے او چٹان مسیح ہئی۔

مرقس 10:16

وَل اُوں بالاں کُوں آپنڑی جھولی ءچ گِھدا تے اُنہاں اُتے ہتھ رکھ تے اُنہاں کُوں برکت ڈِتی۔

مرقس 14:21

کیوں جو اِبنِ آدم تاں جِینویں اُوندے حق ءچ لِکھیا ہے ویندا ای ہے۔ پر اُوں بندے اُتے افسوس جیندے ذریعے اِبنِ آدم پکڑوایا ویندے! اُوندے کیتے چنگا ہا جو او پیدا ای نہ تھیندا۔“

مرقس 14:23

وَل اُوں پیالہ گِھدا تے شُکر کر تے اُنہاں کُوں ڈِتا تے اُنہاں ساریاں اُوندے ءچوں پِیتا۔

لُوقا 22:17

وَل اُوں پیالہ گِھن تے خُدا دا شُکر کیتا تے آکھیا، ”اِینکُوں گِھن تے آپس ءچ وَنڈ گِھنو۔