مرقس 14:14 - کِتاب مُقدّس سرائیکی ترجمہ

¹⁴ جیہڑے گھر ءچ او داخل تھیوے، اُوندے مالک کُوں اکھائے، ’اُستاد آدھے جو میڈے کیتے مہمان خانہ کِتھاں ہے جِتھاں مَیں آپنڑے شاگرداں نال فسح کھاواں؟‘

مرقس 14:14 Referans Kwoze

مُکاشفہ 3:20

ڈیکھ! مَیں دروازہ اُتے کھڑا کھڑکیندا پِیا ہاں۔ جے کوئی میڈی اواز سُنڑ تے دروازہ کھولیسی تاں مَیں اندر آ تے اُوندے نال کھانڑا کھاساں تے او میڈے نال۔

یُوحنّا 13:13

تُساں میکُوں اُستاد تے مالک آدھے ہیوے تے تُہاڈا آکھنڑ ٹھیک ہے کیوں جو مَیں ہاں۔

یُوحنّا 11:28

ایہ گالھ آکھ تے مَرتھا چلی گئی تے آپنڑی بھینڑ مریم کُوں اَنج سڈ تے آکھنڑ لگی جو ”اُستاد آ گئے تے تیکُوں سڈیندے۔“

مرقس 11:3

جے کوئی تُہاڈے کنُوں پُچھے جو ایہ کیا کریندے ہیوے تاں اکھائے جو مالک کُوں اِیندی ضرورت ہے۔ او فوراً اُونکُوں اِتھاں بھیج ڈیسی۔“

مرقس 10:17

جِیں ویلے یسُوع نِکل تے آپنڑے رستے ویندا پِیا ہا تاں ہِک بندہ بھجدا ہویا آیا تے اُوندے سامنڑے گوڈے ٹیک تے پُچھنڑ لگا جو ”نیک اُستاد! مَیں کیا کراں جو ہمیشاں دی زندگی دا وارث بنڑاں؟“

مرقس 14:13

اُوں آپنڑے شاگرداں ءچوں ڈُو کُوں بھیجیا تے اُنہاں کُوں آکھیا، ”شہر ءچ ونجو۔ اُتھاں تُہاکُوں ہِک بندہ مِلسی جیہڑا پانڑی دا گھڑا چا تے ویندا پِیا ہوسی۔ اُوندے پِچُھوں لگے وَنجائے۔

مرقس 14:15

او خود تُہاکُوں اُتلی منزل تے گِھن ویسی تے تیار کیتا ہویا ہِک وڈا چوبارہ ڈکھیسی، اُتھائیں ساڈے کیتے تیاری کرائے۔“

لُوقا 22:11

تے گھر دے مالک کُوں اکھائے، ’اُستاد تیکُوں آدھے جو او مہمان خانہ کِتھاں ہے جِتھاں مَیں آپنڑے شاگرداں نال فسح دی عید دا کھانڑا کھاواں؟‘