مرقس 13:23 - کِتاب مُقدّس سرائیکی ترجمہ

²³ پر تُساں خبردار رہوائے۔ ڈیکھو مَیں تُہاکُوں پہلے ای سبھ کُجھ ڈسا ڈِتے۔

مرقس 13:23 Referans Kwoze

2 پطرس 3:17

اِیں واسطے عزیزو! تُساں جیہڑے اِنہاں گالھیں تُوں پہلے ای خبردار ہیوے، ہوشیار راہو، اِینویں نہ تھیوے جو بدکاراں دے غلط گالھیں تُہاکُوں گُمراہ کر تے محفوظ جاہ تُوں ہٹا ڈیوݨ۔

یُوحنّا 14:29

تے ہُنڑ مَیں سارے گالھیں تھیوݨ تُوں پہلے تُہاکُوں ڈسا ڈِتیاں ہِن تاں جو جِیں ویلے او پُوریاں تھی ونجنڑ تاں تُساں اِیمان رکھو۔

لُوقا 21:8

اُوں آکھیا، ”خبردار، کوئی تُہاکُوں گُمراہ نہ کر ڈیوے کیوں جو بہُوں سارے میڈے ناں نال آسن تے اکھیسن، ’مَیں المسیح ہاں‘ تے ایہ وی جو ’ویلا نیڑے آ گِیا ہے۔‘ تُساں اُنہاں دے پِچُھوں نہ ٹُر پوائے۔

مرقس 13:5

یسُوع اُنہاں کُوں آکھنڑ لگا جو ”خبردار تُہاکُوں کوئی گُمراہ نہ کر ڈیوے۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

مرقس 13:33

خبردار! جاگدے تے دُعا کریندے راہو کیوں جو تُساں نئیں جانڑدے جو او وقت کِیں ویلے آسی۔

مرقس 13:9

پر تُساں خبردار رہوائے کیوں جو لوک تُہاکُوں عدالتاں ءچ پیش کریسن تے تُساں عبادت خانیاں ءچ ماراں کھاسو، تے میڈی وجہ کنُوں حاکماں تے بادشاہاں دے سامنڑے حاضر کیتے ویسو تے ایہ تُہاڈے کیتے گواہی ڈیوݨ دا موقع ہوسی۔

متّی 7:15

کُوڑے نبیاں تُوں خبردار راہو جیہڑے تُہاڈے کولھ بھیڈاں دی شکل ءچ آندے ہِن پر اندرُوں چِیرݨ پھاڑن آلے نہر ہِن۔

متّی 24:25

ڈیکھو، مَیں تُہاکُوں پہلے ای ڈسا ڈِتے۔

مرقس 13:22

کیوں جو کُوڑے المسیح تے کُوڑے نبی اُٹھی کھڑے تھیسن تے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

مرقس 13:24

پر اُنہاں ڈینہاں ءچ اُوں مُصیبت دے بعد سِجھ اندھارا تھی ویسی تے چَن آپنڑی روشنی نہ ڈیسی۔