مرقس 13:10 - کِتاب مُقدّس سرائیکی ترجمہ

¹⁰ تے لازم ہے جو آخرت تُوں پہلے ساریاں قوماں ءچ خوشخبری دی تبلیغ کیتی ونجے۔

مرقس 13:10 Referans Kwoze

متّی 24:14

تے بادشاہی دی اِیں خوشخبری دی تبلیغ ساری دُنیا ءچ کیتی ویسی تاں جو سبھ قوماں کیتے گواہی ہووے، وَل خاتمہ تھیسی۔

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

مُکاشفہ 14:6

وَل مَیں ہِک بئے فرشتے کُوں اسمان ءچ اُڈدے ڈِٹھا۔ اُوندے کولھ زمین دے راہنڑ آلیاں یعنی ہر قوم، قبیلے، اہل ِ زبان تے اُمت کُوں سُنڑاوݨ کیتے ابدی خوشخبری ہئی۔

کلُسِّیوں 1:6

جیہڑی تُہاڈے کولھ پُجی ہے۔ او ساری دُنیا ءچ اِینویں پھل ڈیندی تے ودھدی ویندی ہے، جِینویں تُہاڈے ءچ وی کریندی پئی ہے، اُوں ڈینہہ کنُوں جڈاں تُساں خُدا دے فضل دے بارے ءچ سُنڑیا تے اُونکُوں سچ جانڑیا۔

رومیوں 10:18

پر مَیں پُچھدا ہاں، کیا اُنہاں نئیں سُنڑیا؟ بے شک سُنڑیا، جِینویں لِکھیا ہے جو ”اُنہاں دی اواز پُوری زمین تئیں تے اُنہاں دا پیغام دُنیا دی اِنتہا تئیں پُج گِیا۔“

مرقس 16:15

اُوں اُنہاں کُوں آکھیا جو ”تُساں ساری دُنیا ءچ وَنج تے سارے لوکاں دے سامنڑے خوشخبری دی تبلیغ کرو۔

رومیوں 15:19

معجزیاں تے عجیب کماں دی طاقت تے رُوح القُدس دی قُدرت دے وسیلے نال کیتا۔ اِینویں مَیں یروشلیم تُوں گِھن تے اِلُرِکُم صوبے تئیں مسیح دی خوشخبری دی پُوری پُوری تبلیغ کیتی۔

رومیوں 1:8

پہلے تاں مَیں تُساں ساریاں کیتے یسُوع مسیح دے وسیلے نال آپنڑے خُدا دا شُکر کریندا ہاں جو تُہاڈے اِیمان دی مشہوری ساری دُنیا ءچ تھیندی پئی ہے۔

متّی 12:41

نِینوہ دے لوک عدالت دے ڈینہہ اِیں زمانے دے لوکاں نال کھڑ تے اُنہاں کُوں مُجرم کھڑیسن کیوں جو اُنہاں یُوناہ دی تبلیغ دی وجہ کنُوں توبہ کر گِھدی ہئی تے ڈیکھو اِتھاں او ہے جیہڑا یُوناہ کنُوں وی وڈا ہے۔