مرقس 12:35 - کِتاب مُقدّس سرائیکی ترجمہ

³⁵ وَل یسُوع ہیکل ءچ تعلیم ڈیندے ہوئے آکھیا جو ”شریعت دے عالم کیونکر آدھے ہِن جو المسیح داؤد دا پوتر ہے؟

مرقس 12:35 Referans Kwoze

متّی 26:55

اُوں ویلے یسُوع بِھیڑ کُوں آکھیا، ”کیا مَیں کوئی ڈاکو ہاں جو تُساں تلواراں تے سوٹیاں چا تے میکُوں پکڑن آئے ہیوے؟ مَیں ہر روز ہیکل ءچ بہہ تے تعلیم ڈیندا ریہاں، اُتھاں تاں تُساں میکُوں گرفتار نہ کیتا۔

یُوحنّا 18:20

یسُوع جواب ڈِتا، ”مَیں سبھ لوکاں نال سر ِ عام گالھیں کیتیاں ہِن۔ مَیں ہمیشاں عبادت خانیاں تے ہیکل ءچ تعلیم ڈیندا ریہا ہاں جِتھاں سارے یہُودی کٹھے تھیندے ہِن تے مَیں لُک تے کڈھائیں وی کُجھ نئیں آکھیا۔

یُوحنّا 7:42

کیا خُدا دے کلام ءچ ایہ نئیں لِکھیا جو المسیح داؤد دی نسل تے بیت لحم دی وستی ءچوں آسی، جیہڑا داؤد دا شہر ہا؟“

لُوقا 21:37

یسُوع ہر روز ہیکل ءچ تعلیم ڈیندا ہا، تے رات کُوں باہر وَنج تے اُوں پہاڑ اُتے راہندا ہا جیہڑا زیتون دا اکھویندے،

لُوقا 20:1

ہِک ڈینہہ جِیں ویلے یسُوع ہیکل ءچ لوکاں کُوں تعلیم ڈیندا تے خوشخبری سُنڑیندا پِیا ہا تاں سردار کاہِن تے شریعت دے عالم، بزُرگاں دے نال اُوندے کولھ آئے،

لُوقا 19:47

او ہر روز ہیکل ءچ تعلیم ڈیندا ہا پر سردار کاہِن تے شریعت دے عالم تے قوم دے گودے اُونکُوں ہلاک کرݨ دی کوشش ءچ ہَن۔

مرقس 11:27

وَل او یروشلیم ءچ آئے۔ تے جِیں ویلے یسُوع ہیکل ءچوں لنگھدا پِیا ہا تاں سردار کاہِن تے شریعت دے عالم تے بزُرگ اُوندے کولھ آئے

متّی 9:27

جیہڑے ویلے یسُوع اُتھوں کنُوں اگُوں روانہ تھیّا تاں ڈُو اندھے اُوندے پِچُھوں دھاڑ دھاڑ کریندے ہوئے آکھنڑ لگے، ”اِبنِ ِ داؤد! ساڈے اُتے رحم کرو۔“

مرقس 10:1

وَل یسُوع اُتھوں کنُوں روانہ تھی تے یردن دے پار یہُودیہ دے علاقے ءچ آیا۔ بِھیڑ اُوندے کولھ وَل جمع تھی گئی تے او آپنڑے دستور دے مطابق اُنہاں کُوں تعلیم ڈیوݨ لگا۔

مرقس 14:49

مَیں ہر روز ہیکل ءچ تُہاڈے کولھ تعلیم ڈیندا ہم تے تُساں میکُوں گرفتار نہ کیتا۔ پر ایہ اِیں واسطے تھیّا جو خُدا دا کلام پُورا تھیوے۔“