مرقس 12:28 - کِتاب مُقدّس سرائیکی ترجمہ

²⁸ شریعت دے عالماں ءچوں ہِک اُنہاں کُوں تکرار کریندے سُنڑ تے جاݨ گِھدا جو یسُوع اُنہاں کُوں چنگا جواب ڈِتے۔ او کولھ آیا تے اُوں کنُوں پُچھیا جو ”سبھ حُکماں کنُوں وڈا حُکم کیہڑا ہے؟“

مرقس 12:28 Referans Kwoze

لُوقا 20:39

وَل کُجھ شریعت دے عالماں جواب ڈِتا، ”اُستاد! تُساں ٹھیک آکھے۔“

متّی 19:18

اُوں اُونکُوں آکھیا، ”کیہڑے حُکماں اُتے؟“ یسُوع جواب ڈِتا، ”خون نہ کر، زِنا نہ کر، چوری نہ کر، کُوڑی گواہی نہ ڈے۔

متّی 5:19

بس جیہڑا کوئی اِنہاں چھوٹے تُوں چھوٹے حُکماں ءچوں کہیں کُوں توڑیسی تے ڈُوجھیاں کُوں وی اِینویں کرݨ سکھیسی او اسمان دی بادشاہی ءچ سبھ تُوں چھوٹا اکھویسی۔ پر جیہڑا اُنہاں اُتے عمل کریسی تے اُنہاں دی تعلیم ڈیسی او اسمان دی بادشاہی ءچ وڈا اکھویسی۔

لُوقا 11:42

پر فریسیو! تُہاڈے اُتے افسوس، تُساں پُودینہ تے سُداب تے ہر ہِک ترکاری اُتے تاں ڈاہواں حصہ ڈیندے ہیوے، پر اِنصاف تے خُدا دی محبت تُوں غافل راہندے ہیوے۔ چاہیدا ہا جو ایہ وی کریندے تے او وی نہ چھوڑیندے۔

متّی 23:23

منافق شریعت دے عالمو تے فریسیو، تُہاڈے اُتے افسوس۔ تُساں پُودینہ، سونف تے زِیرے دا ڈاہواں حصہ تاں نذر دے طور تے ڈیندے ہیوے پر شریعت دے زیادہ وزنی گالھیں یعنی اِنصاف تے رحم تے اِیمان کُوں چھوڑ ڈِتے۔ لازم ہا جو ایہ وی کریندے تے او وی نہ چھوڑیندے۔

مرقس 9:14

جِیں ویلے او باقی شاگرداں دے کولھ آئے تاں ڈِٹھا جو اُنہاں دے آسُوں پاسُوں وڈی بِھیڑ ہے تے شریعت دے عالم اُنہاں نال بحث کریندے پئے ہِن۔