مرقس 12:17 - کِتاب مُقدّس سرائیکی ترجمہ

¹⁷ یسُوع اُنہاں کُوں آکھیا، ”جیہڑا قیصر دا ہے او قیصر کُوں، تے جیہڑا خُدا دا ہے او خُدا کُوں ڈِتا کرو۔“ او یسُوع دی گالھ سُنڑ تے بہُوں حیران تھئے۔

مرقس 12:17 Referans Kwoze

رومیوں 13:7

ہر ہِک کُوں اُوندا حق ڈِتا کرو۔ جِینکُوں ٹیکس ڈیونڑا چاہیدے اُونکُوں ٹیکس ڈیؤ، جِینکُوں محصُول ڈیونڑا ہووے اُونکُوں محصُول ڈیؤ، جئیں کنُوں ڈرنڑا چاہیدے، اُوں کنُوں ڈرو تے جِیندا احترام کرنڑا چاہیدے، اُوندا احترام کرو۔

1 پطرس 2:17

سبھ دی عزت کرو، آپنڑے اِیماندار بِھرانواں نال محبت رکھو۔ خُدا تُوں ڈرو تے بادشاہ دی عزت کرو۔

رومیوں 6:13

آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔

رومیوں 12:1

بس بِھراؤ! مَیں خُدا دیاں رحمتاں دا واسطہ ڈے تے تُہاڈی مِنت کریندا ہاں جو آپنڑے جِسم ہِک ایجھی قُربانی دے طور تے پیش کرو جیہڑی زندہ، پاک تے خُدا دی پسندیدہ ہے۔ اِیہو تُہاڈی مناسب عبادت ہے۔

متّی 22:46

کوئی ہِک لفظ وی اُوندے جواب ءچ نہ آکھ سگیا تے اُوں ڈینہہ دے بعد نہ ای کہیں کُوں جُرأت تھئی جو اُوں کنُوں مزید سوال کرݨ۔

متّی 22:22

او ایہ سُنڑ تے حیران تھی گئے تے اُونکُوں چھوڑ تے چلے گئے۔

مرقس 12:30

تُوں رب العالمین آپنڑے خُدا نال آپنڑے سارے دل تے آپنڑی ساری جان تے آپنڑی ساری عقل تے آپنڑی ساری طاقت نال محبت رکھ۔‘

متّی 22:33

لوک اُوندی ایہ تعلیم سُنڑ تے حیران تھی گئے۔

متّی 8:10

یسُوع ایہ سُنڑ تے حیران تھیّا تے او آپنڑے پِچُھوں آوݨ آلیاں کُوں آکھنڑ لگا جو ”مَیں تُہاکُوں سچ آدھا ہاں جو مَیں اِسرائیل ءچ وی ایجھا اِیمان نئیں ڈِٹھا۔

متّی 22:21

اُنہاں اُونکُوں آکھیا، ”رومی بادشاہ قیصر دا۔“ وَل اُوں اُنہاں کُوں آکھیا، ”جیہڑا قیصر دا ہے قیصر کُوں تے جیہڑا خُدا دا ہے خُدا کُوں ڈیؤ۔“

مرقس 12:16

او گِھن آئے۔ اُوں اُنہاں کنُوں پُچھیا، ”اِیندے اُتے کیندی تصویر تے ناں ہے؟“ اُنہاں آکھیا، ”قیصر دا۔“

لُوقا 20:25

اُوں اُنہاں کُوں آکھیا، ”بس جیہڑا قیصر دا ہے قیصر کُوں تے جیہڑا خُدا دا ہے، خُدا کُوں ادا کرو۔“