مرقس 12:15 - کِتاب مُقدّس سرائیکی ترجمہ

¹⁵ یسُوع اُنہاں دی مکاری کُوں معلوم کر تے اُنہاں کُوں آکھیا، ”تُساں میکُوں کیوں پھساوݨ دی کوشش کریندے ہیوے؟ میڈے کولھ ہِک دینار گِھن آؤ جو مَیں ڈیکھاں۔“

مرقس 12:15 Referans Kwoze

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

1کُرِنتھِیوں 10:9

تے اساں مسیح دی ازمائش نہ کرُوں جِینویں اُنہاں ءچوں کُجھ کیتی تے سَپاں اُنہاں کُوں ہلاک کر ڈِتا۔

اعمال 5:9

پطرس اُونکُوں آکھیا، ”تُساں کیوں خُداوند دے رُوح القُدس کُوں ازماوݨ کیتے ایکا کیتے؟ ڈیکھ، جیہڑے لوکاں تیڈے پئے کُوں دفن کیتے، او دروازے تئیں پُج گئے ہِن تے تیکُوں وی باہر گِھن ویسن۔“

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

لُوقا 20:23

یسُوع اُنہاں دی مکاری کُوں جانڑدے ہوئے اُنہاں کُوں آکھیا،

مرقس 10:2

تے کُجھ فریسیاں کولھ آ تے اُونکُوں ازماوݨ کیتے پُچھیا، ”کیا بندے دا آپنڑی ذال کُوں چھوڑ ڈیوݨ جائز ہے؟“

متّی 22:18

یسُوع اُنہاں دی بُری نیّت معلوم کر تے آکھیا، ”منافقو! میکُوں کیوں ازمیندے ہیوے؟

متّی 20:2

تے اُوں مزدُوراں نال ہِک ڈینہوار دی مزدُوری ہِک دینار مُکا تے اُنہاں کُوں آپنڑے انگُوراں دے باغ ءچ بھیج ڈِتا۔

مرقس 12:14

اُنہاں آ تے یسُوع کُوں آکھیا، ”اُستاد، اساں جانڑدے ہیں جو تُساں سچے ہیوے، تے کہیں دی پرواہ نئیں کریندے، کیوں جو تُساں کہیں دے طرفدار نئیں بلکہ سچائی نال خُدا دی راہ ڈسیندے ہیوے۔ بس رومی بادشاہ قیصر کُوں ٹیکس ڈیوݨ جائز ہے یا نئیں؟ اساں ڈیؤں یا نا ڈیؤں؟“

مرقس 12:16

او گِھن آئے۔ اُوں اُنہاں کنُوں پُچھیا، ”اِیندے اُتے کیندی تصویر تے ناں ہے؟“ اُنہاں آکھیا، ”قیصر دا۔“

یُوحنّا 8:6

اُنہاں ایہ سوال اُونکُوں ازماوݨ کیتے پُچھیا تاں جو کہیں وجہ کنُوں اُوندے اُتے اِلزام لا سگنڑ۔ پر یسُوع جُھک تے آپنڑی انگل نال زمین اُتے کُجھ لِکھنڑ لگ پِیا۔