مرقس 12:1 - کِتاب مُقدّس سرائیکی ترجمہ

¹ وَل یسُوع اُنہاں نال مثالاں ءچ گالھیں کرݨ لگا جو ”ہِک بندے انگُوراں دا باغ رہایا تے اُوندے چودھارُوں واڑ ڈِتی تے انگُوراں دا رَس کڈھنڑ کیتے ہِک حوض کھٹیا تے چوکیداری کیتے ہِک بُرج بنڑایا۔ وَل او انگُوراں دا باغ ٹھیکیداراں کُوں کاشتکاری کیتے ڈے تے خود پردیس چلیا گِیا۔

مرقس 12:1 Referans Kwoze

مرقس 13:34

اِبنِ ِ آدم دا واپس آونڑا اُوں بندے آلی کار ہوسی جئیں کہیں دُور دے مُلک ونجنڑا ہا تے گھر تُوں ویندے ویلے اُوں آپنڑے نوکراں کُوں اِختیار ڈِتا، یعنی ہر ہِک کُوں اُوندی ذمہ داری ڈسا ڈِتی تے چوکیدار کُوں حُکم ڈِتا جو جاگدا راہوے۔

مرقس 4:2

او اُنہاں کُوں مثالاں ءچ بہُوں سارے گالھیں سِکھاوݨ لگا۔ تے اُوں اُنہاں کُوں ایہ تعلیم ڈِتی:

متّی 25:14

اسمان دی بادشاہی اِینویں ہوسی: ہِک بندے کہیں دُور دے مُلک ونجنڑا ہا۔ اُوں آپنڑے نوکراں کُوں سڈیا تے آپنڑاں مال اُنہاں دے حوالے کر ڈِتا۔

اعمال 7:38

ایہ اُوہو ہے جیہڑا بیابان دی جماعت ءچ اُوں فرشتہ دے نال وی ہا جیہڑا کوہ ِ سِینا اُتے اُوندے نال ہم کلام تھیّا، تے ساڈے پِیُو ڈاڈا دے نال وی ہا۔ اُونہی کُوں زندہ کلام مِلیا جو ساڈے تئیں پُچا ڈیوے۔

لُوقا 19:12

بس اُوں آکھیا: ”ہِک امیر بندہ دُور دراز مُلک کُوں روانہ تھیّا تاں جو آپنڑے لوکاں دا بادشاہ مقرر تھیوے تے وَل آوے۔

لُوقا 15:13

بہُوں ڈینہہ نہ لنگھے جو چھوٹے پوتر آپنڑا سارا مال جمع کیتا تے دُور دراز مُلک کُوں روانہ تھی گِیا تے اُتھاں ساری دولت عیش و عشرت ءچ اُڈا ڈِتی۔

لُوقا 8:10

اُوں آکھیا، ”تُہاکُوں تاں خُدا دی بادشاہی دے راز سمجھنڑ دی قابلیت ڈِتی گئی ہے، پر ڈُوجھیاں کُوں ایہ مثالاں ءچ بیان کیتا ویندے تاں جو ڈیدھے ہوئے نہ ڈیکھنڑ تے سُنڑدے ہوئے نہ سمجھنڑ۔

متّی 21:28

تُساں کیا سمجھدے ہیوے؟ ہِک بندے دے ڈُو پوتر ہَن۔ اُوں پہلے کولھ وَنج تے آکھیا، ’پوتر اَج انگُوراں دے باغ ءچ کم کر۔‘

لُوقا 22:9

اُنہاں اُونکُوں پُچھیا، ”تُساں کِتھاں چاہندے ہیوے جو اساں تیاری کرُوں؟“

متّی 13:3

وَل او اُنہاں کُوں مثالاں ءچ بہُوں سارے گالھیں آکھنڑ لگا جو، ”ہِک بیج رہاوݨ آلا بیج رہاوݨ نِکلیا۔

متّی 21:33

ہِک بئی مثال سُنڑو۔ ہِک گھر دا مالک ہا جئیں انگُوراں دا باغ رہایا تے اُوندے چودھارُوں واڑ ڈِتی تے اُوندے ءچ رَس کڈھنڑ کیتے حوض کھٹیا تے بُرج بنڑایا تے اُونکُوں ٹھیکیداراں کُوں کاشتکاری کیتے ڈے تے خود پردیس چلیا گِیا۔

متّی 21:34

جِیں ویلے پھل دا موسم نیڑے آیا تاں اُوں آپنڑے نوکراں کُوں آپنڑاں پھل گِھننڑ کیتے ٹھیکیداراں دے کولھ بھیجیا۔

مرقس 3:23

یسُوع اُنہاں کُوں آپنڑے کولھ سڈ تے مثالاں ءچ آکھنڑ لگا جو ”شیطان کُوں شیطان کِینویں کڈھ سگدے؟

مرقس 11:33

بس اُنہاں جواب ءچ یسُوع کُوں آکھیا، ”اساں نئیں جانڑدے۔“ یسُوع اُنہاں کُوں آکھیا، ”مَیں وی تُہاکُوں نئیں ڈسیندا جو اِنہاں کماں کُوں کِیں اِختیار نال کریندا ہاں۔“