مرقس 11:3 - کِتاب مُقدّس سرائیکی ترجمہ

³ جے کوئی تُہاڈے کنُوں پُچھے جو ایہ کیا کریندے ہیوے تاں اکھائے جو مالک کُوں اِیندی ضرورت ہے۔ او فوراً اُونکُوں اِتھاں بھیج ڈیسی۔“

مرقس 11:3 Referans Kwoze

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

اعمال 17:25

او اِنسان دے ہتُھوں خدمت نئیں گِھندا کیوں جو او کہیں چیز دا مُتھاج نئیں، او تاں سارے اِنساناں کُوں زندگی، ساہ تے سارا کُجھ ڈیندے۔

اعمال 10:36

اُوں بنی اِسرائیل دے کولھ آپنڑا کلام بھیجیا تے یسُوع مسیح دے وسیلے، جیہڑا ساریاں دا خُداوند ہے، صُلح دی خوشخبری سُنڑائی۔

اعمال 1:24

تے ایہ آکھ تے دُعا کیتی جو ”اے خُداوند! تُوں جیہڑا سبھ دے دِلاں کُوں جانڑدا ہیں، ساڈے اُتے ظاہر کر جو اِنہاں ڈوہائیں ءچوں تُوں کِینکُوں چُنڑیا ہے،

مرقس 14:15

او خود تُہاکُوں اُتلی منزل تے گِھن ویسی تے تیار کیتا ہویا ہِک وڈا چوبارہ ڈکھیسی، اُتھائیں ساڈے کیتے تیاری کرائے۔“

مرقس 11:2

تے اُنہاں کُوں آکھیا جو ”آپنڑے سامنڑے آلی وستی ءچ ونجو تے اُوندے ءچ داخل تھیندے ای تُہاکُوں ہِک جوان گڈھاں بدھیا ہویا مِلسی جئیں اُتے ہُنڑ تئیں کوئی سوار نئیں تھیّا۔ اُونکُوں کھول تے گِھن آؤ۔

مرقس 11:4

بس او گئے تے اُنہاں کُوں ہِک جوان گڈھاں سامنڑے گلی ءچ دروازہ نال بدھیا ہویا مِلیا تے او اُونکُوں کھولنڑ لگے۔