مرقس 11:24 - کِتاب مُقدّس سرائیکی ترجمہ

²⁴ اِیں واسطے مَیں تُہاکُوں آدھا ہاں جو تُساں دُعا ءچ جیہڑا کُجھ منگدے ہیوے یقین رکھو جو تُہاکُوں مِل گئے، تے او تُہاکُوں مِل ویسی۔

مرقس 11:24 Referans Kwoze

متّی 21:22

تے جیہڑا کُجھ تُساں دُعا ءچ اِیمان نال منگسو او تُہاکُوں مِلسی۔“

1 یُوحنّا 3:22

تے اساں جیہڑا کُجھ اُوں کنُوں منگدے ہیں، او ساکُوں اُوندی طرفوں مِل ویندے، کیوں جو اساں اُوندے حُکماں اُتے عمل کریندے ہیں تے اُوہو کریندے ہیں جیہڑا اُونکُوں پسند ہے۔

متّی 18:19

مَیں تُہاکُوں ولا آدھا ہاں جو جے تُہاڈے ءچوں ڈُو بندے زمین اُتے کہیں شے کیتے اِتفاق نال دُعا کریسن تاں او میڈے اسمانی باپ دی طرفوں اُنہاں کیتے تھی ویسی۔

یُوحنّا 15:7

جے تُساں میڈے ءچ قائم راہو تے میڈا کلام تُہاڈے دل ءچ قائم راہوے تاں جیہڑا کُجھ منگو او تُہاڈے کیتے تھی ویسی۔

یُوحنّا 14:13

تے جیہڑا کُجھ تُساں میڈے ناں تُوں منگسو، مَیں اُوہو کریساں تاں جو باپ دا جلال پوتر دے وسیلے ظاہر تھیوے۔

مرقس 11:25

جِیں ویلے تُساں دُعا کیتے کھڑے تھیندے ہیوے، جے تُہاکُوں کہیں کنُوں کُجھ شِکوہ ہے تاں اُونکُوں معاف کر ڈیؤ تاں جو تُہاڈا اسمانی باپ وی تُہاڈے گُناہ بخش ڈیوے۔

1کُرِنتھِیوں 14:13

اِیں واسطے جیہڑا کوئی غیر زبان ءچ گالھیں کریندے، او دُعا کرے جو او اُوندا ترجمہ وی کر سگے۔