مرقس 11:23 - کِتاب مُقدّس سرائیکی ترجمہ

²³ مَیں تُہاکُوں سچ آدھا ہاں جو جیہڑا کوئی اِیں پہاڑ کُوں آکھے جو ’آپنڑی جاہ کنُوں پٹیج وَنج تے سمندر ءچ وَنج ڈھے،‘ تے آپنڑے دل ءچ شک نہ کرے بلکہ یقین رکھے جو جیہڑا کُجھ آدھے او تھی ویسی، تاں اُوندے کیتے اُوہو تھیسی۔

مرقس 11:23 Referans Kwoze

متّی 17:20

یسُوع اُنہاں کُوں جواب ڈِتا، ”آپنڑے اِیمان دی کمی دی وجہ کنُوں۔ کیوں جو مَیں تُہاکُوں سچ آدھا ہاں جو جے تُہاڈے ءچ رائی دے دانڑے دے برابر وی اِیمان ہوسی تاں تُساں اِیں پہاڑ کُوں آکھ سگسو جو ’اِتُھوں کنُوں اُتھاں کِھسک وَنج،‘ تاں او کِھسک ویسی تے تُہاڈے کیتے کوئی کم نا ممکن نہ ہوسی۔

یُوحنّا 15:7

جے تُساں میڈے ءچ قائم راہو تے میڈا کلام تُہاڈے دل ءچ قائم راہوے تاں جیہڑا کُجھ منگو او تُہاڈے کیتے تھی ویسی۔

متّی 21:21

یسُوع جواب ڈِتا، ”مَیں تُہاکُوں سچ آدھا ہاں جو جے اِیمان رکھو تے شک نہ کرو تاں تُساں نہ صرف او جیہڑا ہنجیر دے درخت نال تھئے کر سگسو، بلکہ جے اِیں پہاڑ کُوں وی اکھیسو جو ’پٹیج تے سمندر ءچ وَنج ڈھے‘ تاں اُونویں ای تھیسی۔

یُوحنّا 14:13

تے جیہڑا کُجھ تُساں میڈے ناں تُوں منگسو، مَیں اُوہو کریساں تاں جو باپ دا جلال پوتر دے وسیلے ظاہر تھیوے۔

لُوقا 17:6

خُداوند آکھیا جو ”جے تُہاڈا اِیمان رائی دے دانڑے دے برابر وی ہوندا تے تُساں اِیں تُوت دے درخت کُوں آدھے جو جڑھ کنُوں پٹیج تے سمندر ءچ لگ وَنج تاں ایہ تُہاڈی منیندا۔

1کُرِنتھِیوں 13:2

تے جے میکُوں نبُوّت دی نعمت مِلے تے مَیں ہر راز تے علم کنُوں واقف تھی وَنجاں، تے جے میڈا اِیمان اِتُھوں تئیں کامِل ہووے جو پہاڑاں کُوں ہٹا ڈیواں، پر محبت نہ رکھاں تاں مَیں کُجھ وی نئیں۔

متّی 14:13

جِیں ویلے یسُوع ایہ سُنڑیا تاں او کشتی ءچ ہِک ویران جاہ دو کلھا روانہ تھیّا۔ پر لوک ایہ سُنڑ تے شہر شہر کنُوں نِکل تے پیدل ای اُوندے پِچُھوں ٹُر پئے۔