مرقس 11:18 - کِتاب مُقدّس سرائیکی ترجمہ

¹⁸ سردار کاہِن تے شریعت دے عالم ایہ سُنڑ تے اُونکُوں ہلاک کرݨ دا موقع گولھنڑ لگے کیوں جو اُوں کنُوں ڈر دے ہَن اِیں واسطے جو سبھ لوک اُوندی تعلیم کنُوں حیران ہَن۔

مرقس 11:18 Referans Kwoze

متّی 7:28

جیہڑے ویلے یسُوع ایہ گالھیں ختم کر چُکیا تاں بِھیڑ اُوندی تعلیم تُوں حیران تھئی،

مرقس 12:12

اِیں تے یہُودی راہنما یسُوع کُوں پکڑن دی کوشش کرݨ لگے کیوں جو او سمجھ گئے ہَن جو ایہ مثال اُنہاں دے خلاف آکھی گئی ہے پر لوکاں دے ڈر دی وجہ کنُوں اُونکُوں چھوڑ تے چلے گئے۔

اعمال 24:25

جِیں ویلے او راستبازی، پرہیزگاری تے آوݨ آلی عدالت دے بارے ءچ بیان کریندا پِیا ہا تاں فیلِکس ڈر تے آکھنڑ لگا، ”اجنڑ ایہ بہُوں ہے، تُوں وَنج سگدیں۔ جڈاں میکُوں فُرصت مِلسی تاں مَیں تیکُوں ولا سڈوا گِھنساں۔“

یُوحنّا 7:46

سپاہیاں جواب ڈِتا، ”کہیں بندے کڈھائیں ایجھا کلام نئیں کیتا۔“

لُوقا 20:19

اُونہی ویلے شریعت دے عالماں تے سردار کاہِناں اُونکُوں پکڑن دی کوشش کیتی کیوں جو او سمجھ گئے ہَن جو اُوں او مثال اُنہاں دے خلاف آکھی ہے، پر او لوکاں کنُوں ڈردے ہَن۔

لُوقا 19:47

او ہر روز ہیکل ءچ تعلیم ڈیندا ہا پر سردار کاہِن تے شریعت دے عالم تے قوم دے گودے اُونکُوں ہلاک کرݨ دی کوشش ءچ ہَن۔

لُوقا 4:22

سبھ اُوندی تعریف کیتی تے اُنہاں فضل نال بھرے گالھیں اُتے حیران تھئے جیہڑیاں اُوندے مُنہ ءچوں نِکلدیاں ہَن تے آکھنڑ لگے، ”کیا ایہ یُوسف دا پوتر نئیں؟“

مرقس 11:32

تے جے آکھوں ’اِنسان دی طرفوں،‘ تاں اساں عوام کنُوں ڈردے ہیں کیوں جو سبھ لوک یُوحنّا کُوں واقعی نبی منیندے ہِن۔“

مرقس 6:20

کیوں جو ہیرودیس بادشاہ یُوحنّا کُوں ہِک نیک تے پاک بندہ جاݨ تے اُوندے کنُوں ڈردا ہا تے اُوندی حفاظت کریندا ہا۔ او اُوندے گالھیں سُنڑ تے بہُوں حیران تھی ویندا، پر وَل وی خوشی نال سُنڑدا ہا۔

مرقس 3:6

وَل فریسی فوراً باہر چلے گئے تے ہیرودیس دے پیروکاراں نال مشورہ کرݨ لگے جو اُونکُوں کِینویں ہلاک کرݨ۔

مرقس 1:22

لوک اُوندی تعلیم سُنڑ تے حیران تھی گئے کیوں جو او اُنہاں کُوں شریعت دے عالماں وانگُوں نئیں بلکہ اِختیار نال تعلیم ڈیندا ہا۔

متّی 21:15

پر جِیں ویلے سردار کاہِناں تے شریعت دے عالماں اُوندے معجزے ڈِٹھے تے ہیکل ءچ چھوہراں کُوں ”اِبنِ داؤد دی تمجید ہووے“ دے نعرے مریندے ڈِٹھا تاں کوڑیج پئے،

لُوقا 2:47

تے جِتّی اُوندی سُنڑدے پئے ہَن، اُوندی سمجھ تے اُوندے جواب سُنڑ تے حیران ہَن۔

یُوحنّا 7:1

اِنہاں گالھیں دے بعد یسُوع گلیل ءچ پِھردا ریہا کیوں جو یہُودیہ ءچ ونجنڑ نہ چاہندا ہا، اِیں واسطے جو اُتھاں یہُودی اُوندے قتل دی کوشش ءچ ہَن۔

یُوحنّا 7:19

کیا مُوسیٰ تُہاکُوں شریعت نئیں ڈِتی؟ وَل وی تُہاڈے ءچوں کوئی شریعت اُتے عمل نئیں کریندا۔ تُساں کیوں میکُوں قتل کرݨ دی کوشش ءچ ہیوے؟“