مرقس 11:14 - کِتاب مُقدّس سرائیکی ترجمہ

¹⁴ اُوں اُونکُوں آکھیا، ”ولا تَیں کنُوں کوئی کڈھائیں پھل نہ کھاوے۔“ تے اُوندے شاگرداں ایہ سُنڑیا۔

مرقس 11:14 Referans Kwoze

متّی 21:19

او رستے ءچ ہنجیر دا ہِک درخت ڈیکھ تے اُوندے نیڑے گِیا پر پتراں دے سِوا اُوندے اُتے کُجھ نہ پا تے آکھیا، ”ولا کڈھائیں تیکُوں پھل نہ لگے۔“ تے ہنجیر دا درخت اُوں ویلے ای سُک گِیا۔

یُوحنّا 15:6

جے کوئی میڈے ءچ قائم نہ راہوے تاں او ٹاہنڑی وانگُوں سَٹ ڈِتا ویندے تے سُک ویندے، تے لوک اُنہاں کُوں کٹھا کر تے بھاہ ءچ سَٹ ڈیندے ہِن تے او سڑ ویندیاں ہِن۔

متّی 7:19

او درخت جیہڑا چنگا پھل نئیں ڈیندا کپ ڈِتا تے بھاہ ءچ سَٹ ڈِتا ویندے۔

متّی 3:10

تے ہُنڑ درختاں دی جڑھ اُتے کُہاڑا رکھ ڈِتا گئے۔ بس جیہڑا درخت چنگا پھل نئیں ڈیندا او کپیا تے بھاہ ءچ سٹیا ویندے۔

مُکاشفہ 22:11

جیہڑا بُرائی کریندے، او بُرائی ای کریندا راہوے۔ جیہڑا ناپاک ہے، او ناپاک ای راہوے۔ جیہڑا راستبازی کریندے، او راستبازی ای کریندا راہوے۔ تے جیہڑا پاک ہے، او پاک ای راہوے۔“

متّی 21:44

تے جیہڑا کوئی اِیں پتھر اُتے ڈھاسی، ٹوٹے ٹوٹے تھی ویسی پر جیندے اُتے ایہ ڈھاسی اُونکُوں پِیہہ تے رکھ ڈیسی۔“

2 پطرس 2:20

تے جے او لوک خُداوند تے نجات ڈیوݨ آلے یسُوع مسیح دی پچھاݨ دے وسیلہ نال دُنیا دی گندگی کنُوں چُھٹ تے ولا کنُوں اُوندے ءچ پَھس ونجنڑ تے اُوندے قبضے ءچ آ ونجنڑ، تاں اُنہاں دی حالت پہلی حالت کنُوں وی بدتر تھی ویندی ہے۔

متّی 21:33

ہِک بئی مثال سُنڑو۔ ہِک گھر دا مالک ہا جئیں انگُوراں دا باغ رہایا تے اُوندے چودھارُوں واڑ ڈِتی تے اُوندے ءچ رَس کڈھنڑ کیتے حوض کھٹیا تے بُرج بنڑایا تے اُونکُوں ٹھیکیداراں کُوں کاشتکاری کیتے ڈے تے خود پردیس چلیا گِیا۔

مرقس 11:13

او دُور کنُوں ہنجیر دا ہِک درخت جیندے ءچ پتے ہَن ڈیکھ تے گِیا جو شاید اُوندے ءچ کُجھ پھل مِلے۔ پر جِیں ویلے اُوندے کولھ پُجیا تاں سوائے پتیاں دے کُجھ نہ مِلیا کیوں جو ہنجیر دا موسم نہ ہا۔

مرقس 11:15

وَل او یروشلیم ءچ آئے۔ تے یسُوع ہیکل ءچ داخل تھیّا تے صحن ءچ خرید و فروخت کرݨ آلیاں کُوں باہر کڈھنڑ لگا تے پیسے بدلاوݨ آلیاں دیاں میزاں تے کبوتر ویچنڑ آلیاں دیاں چوکیاں اُلٹ ڈِتیاں۔