مرقس 10:52 - کِتاب مُقدّس سرائیکی ترجمہ

⁵² یسُوع اُونکُوں آکھیا، ”وَنج تیڈے اِیمان تیکُوں چنگا کر ڈِتے۔“ او فوراً ڈیکھنڑ لگ پِیا تے رستے ءچ اُوندے پِچُھوں ٹُر پِیا۔

مرقس 10:52 Referans Kwoze

متّی 9:22

یسُوع مُڑ تے اُونکُوں ڈِٹھا تے آکھیا، ”دِھی حوصلہ رکھ۔ تیڈے اِیمان تیکُوں چنگا کر ڈِتے۔“ تے او تریمت اُوں ویلے ای ٹھیک تھی گئی۔

لُوقا 7:50

پر یسُوع اُوں عورت کُوں آکھیا، ”تیڈے اِیمان تیکُوں بچا گِھدے، سلامت چلی وَنج۔“

مرقس 8:25

وَل یسُوع دوبارہ آپنڑے ہتھ اُوں بندے دے اکھیں اُتے رکھے۔ اُوں غور نال نظر کیتی تے اُوندے اکھیں ٹھیک تھی گئیاں، تے او ہر چیز صاف صاف ڈیکھنڑ لگا۔

مرقس 5:34

یسُوع اُونکُوں آکھیا، ”دِھی تیڈے اِیمان تیکُوں چنگا کر ڈِتے۔ خیر نال وَنج تے آپنڑی بیماری کنُوں بچی رہ۔“

یُوحنّا 9:32

دُنیا دے شروع کنُوں اِینویں کڈھائیں نئیں سُنڑیا جو جماندرُو اندھے دے اکھیں کہیں کھول ڈِتیاں ہووݨ۔

متّی 15:28

وَل یسُوع اُونکُوں جواب ڈِتا، ”عورت! تیڈا اِیمان بہُوں وڈا ہے۔ جِینویں تُوں چاہندی ہیں تیڈے کیتے اُونویں ای ہووے۔“ تے اُوندی دِھی اُوں ویلے ای شِفا پائی۔

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

مرقس 1:31

اُوں کولھ وَنج تے اُوندا ہتھ پکڑ تے اُونکُوں کھڑا کیتا۔ اُوندا بُخار لہہ گِیا تے او اُوندی خدمت کرݨ لگ پئی۔

متّی 21:14

وَل اندھے تے منڈے ہیکل ءچ اُوندے کولھ آئے تے اُوں اُنہاں کُوں شِفا بخشی۔

متّی 12:22

اُوں ویلے لوک یسُوع دے کولھ ہِک اندھے گُونگے بندے کُوں گِھن آئے جیندے ءچ بدرُوح ہئی۔ اُوں اُونکُوں چنگا کر ڈِتا۔ وَل او اندھا گُونگا ڈیکھنڑ تے بولنڑ لگ گِیا۔

یُوحنّا 9:39

یسُوع آکھیا، ”مَیں عدالت کرݨ کیتے دُنیا ءچ آیا ہاں تاں جو جیہڑے نئیں ڈیدھے او ڈیکھنڑ تے جیہڑے ڈیدھے ہِن، او اندھے تھی ونجنڑ۔“

متّی 11:5

جو اندھے ڈیدھے ہِن، منڈے ٹُردے ہِن، کوڑھی پاک صاف کیتے ویندے ہِن، ڈورے سُنڑدے ہِن، مُردے زندہ کیتے ویندے ہِن تے غریباں کُوں خوشخبری سُنڑائی ویندی ہے۔

لُوقا 9:48

وَل اُنہاں کُوں آکھیا، ”جیہڑا کوئی میڈے ناں ءچ اِیں بال کُوں قبول کریندے او میکُوں قبول کریندے، تے جیہڑا میکُوں قبول کریندے او میڈے بھیجنڑ آلے کُوں قبول کریندے، کیوں جو جیہڑا تُہاڈے ءچوں سبھ کنُوں چھوٹا ہے اُوہو وڈا ہے۔“

متّی 8:3

یسُوع آپنڑا ہتھ ودھا تے اُوندے اُتے رکھیا تے آکھیا، ”مَیں چاہندا ہاں، پاک صاف تھی وَنج۔“ او فوراً کوڑھ تُوں پاک صاف تھی گِیا۔