مرقس 10:49 - کِتاب مُقدّس سرائیکی ترجمہ

⁴⁹ یسُوع کھڑ تے آکھیا، ”اُونکُوں سڈو۔“ بس اُنہاں اُوں اندھے کُوں اواز ڈِتی تے آکھیا، ”حوصلہ رکھ، اُٹھی او تیکُوں سڈیندے۔“

مرقس 10:49 Referans Kwoze

لُوقا 18:40

یسُوع کھڑ تے حُکم ڈِتا جو ”اُونکُوں میڈے کولھ گِھن آؤ۔“ جِیں ویلے او کولھ آیا تاں اُوں، اُوں کنُوں ایہ پُچھیا،

یُوحنّا 11:28

ایہ گالھ آکھ تے مَرتھا چلی گئی تے آپنڑی بھینڑ مریم کُوں اَنج سڈ تے آکھنڑ لگی جو ”اُستاد آ گئے تے تیکُوں سڈیندے۔“

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

متّی 9:2

تے لوک ہِک فالج دے مریض کُوں اُوندے کولھ گِھن آئے جیہڑا کَھٹ اُتے ہا۔ یسُوع اُنہاں دا اِیمان ڈیکھ تے فالج دے مریض کُوں آکھیا، ”پوتر حوصلہ رکھ، تیڈے گُناہ معاف تھئے۔“

مرقس 10:50

او آپنڑا کپڑا سَٹ تے اُچھل پِیا تے یسُوع دے کولھ آیا۔