مرقس 10:45 - کِتاب مُقدّس سرائیکی ترجمہ

⁴⁵ کیوں جو اِبنِ آدم وی اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

مرقس 10:45 Referans Kwoze

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

یُوحنّا 13:14

بس جِیں ویلے مَیں تُہاڈے اُستاد تے مالک تُہاڈے پیر دھوتے تاں تُہاڈا وی فرض ہے جو ہِک ڈُوجھے دے پیر دھوتا کرو۔

یُوحنّا 10:15

بالکل اُونویں ای جِینویں باپ میکُوں جانڑدے تے مَیں باپ کُوں جانڑدا ہاں۔ تے مَیں بھیڈاں کیتے آپنڑی جان ڈیندا ہاں۔

عبرانیوں 5:8

پوتر ہووݨ دے باوجود اُوں ڈُکھ چا چا تے تابعداری سِکھی۔

1 پطرس 1:19

بلکہ ہِک بے عیب تے بے داغ لیلے یعنی مسیح دے قیمتی خون نال۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

گلتِیوں 3:13

مسیح ساڈے کیتے لعنتی بنڑ تے ساکُوں شریعت دی لعنت کنُوں چُھڑا گِھدا کیوں جو لِکھیا ہے جو ”جیہڑا کوئی درخت اُتے لٹکایا گِیا او لعنتی ہے، “

مرقس 10:44

تے جیہڑا تُہاڈے ءچوں اوّل تھیوݨ چاہوے او ساریاں دا غُلام بنڑے۔