مرقس 10:43 - کِتاب مُقدّس سرائیکی ترجمہ

⁴³ پر تُہاڈے ءچ اِینویں نئیں بلکہ تُہاڈے ءچوں جیہڑا وڈا بنڑݨ چاہندے او تُہاڈا خادم بنڑے۔

مرقس 10:43 Referans Kwoze

لُوقا 14:11

کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا آپنڑے آپ کُوں چھوٹا بنڑیسی او وڈا کیتا ویسی۔“

مرقس 9:35

وَل یسُوع بہہ تے اُنہاں بارہاں کُوں سڈیا تے اُنہاں کُوں آکھیا جو ”جے کوئی اوّل درجہ پاوݨ چاہندے تاں ساریاں کنُوں چھیکڑ تے ساریاں دا خادم بنڑے۔“

لُوقا 9:48

وَل اُنہاں کُوں آکھیا، ”جیہڑا کوئی میڈے ناں ءچ اِیں بال کُوں قبول کریندے او میکُوں قبول کریندے، تے جیہڑا میکُوں قبول کریندے او میڈے بھیجنڑ آلے کُوں قبول کریندے، کیوں جو جیہڑا تُہاڈے ءچوں سبھ کنُوں چھوٹا ہے اُوہو وڈا ہے۔“

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

گلتِیوں 5:13

بِھراؤ! تُساں ازاد راہنڑ کیتے سڈے گئے ہیوے پر اِیں ازادی کُوں آپنڑیاں جِسمانی خواہشاں کُوں پُورا کرݨ کیتے اِستعمال نہ کرو بلکہ محبت نال ہِک ڈُوجھے دی خدمت کریندے راہو۔

یُوحنّا 18:36

یسُوع جواب ڈِتا، ”میڈی بادشاہی اِیں دُنیا دی نئیں۔ جے میڈی بادشاہی اِیں دُنیا دی ہوندی تاں میڈے خادم لڑدے، تاں جو مَیں یہُودیاں دے حوالہ نہ کیتا ویندا، پر میڈی بادشاہی اِتُھوں دی نئیں۔“

لُوقا 18:14

مَیں تُہاکُوں آدھا ہاں جو فریسی نئیں بلکہ محصُول گِھننڑ آلا خُدا دی نظر ءچ نیک بنڑ تے آپنڑے گھر گِیا کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا کوئی آپنڑے آپ کُوں چھوٹا بنڑیسی او وڈا کیتا ویسی۔“

مرقس 10:42

پر یسُوع اُنہاں کُوں کولھ سڈ تے آکھیا، ”تُہاکُوں پتہ ہے جو غیر قوماں دے سردار آپنڑے لوکاں اُتے حکُومت کریندے ہِن تے اُنہاں دے امیر اُنہاں اُتے اِختیار جتیندے ہِن۔

مرقس 10:44

تے جیہڑا تُہاڈے ءچوں اوّل تھیوݨ چاہوے او ساریاں دا غُلام بنڑے۔

لُوقا 22:26

پر تُساں اِینویں نہ کرائے بلکہ تُہاڈے ءچوں جیہڑا وڈا ہے او چھوٹے وانگُوں تے جیہڑا سردار ہے او خادم وانگُوں بنڑے۔