مرقس 10:33 - کِتاب مُقدّس سرائیکی ترجمہ

³³ اُوں آکھیا، ”اساں یروشلیم ویندے ہیں تے اِبنِ آدم سردار کاہِناں تے شریعت دے عالماں دے حوالے کیتا ویسی۔ او اُوندے قتل دا حُکم ڈیسن تے اُونکُوں غیر قوماں دے حوالے کریسن

مرقس 10:33 Referans Kwoze

متّی 27:2

تے اُونکُوں بَدھ تے گِھن گئے تے گورنر پِیلاطُس دے حوالے کر ڈِتا۔

مرقس 8:31

وَل یسُوع اُنہاں کُوں تعلیم ڈیوݨ لگا جو ضرور ہے جو اِبنِ آدم بہُوں ڈُکھ چاوے تے بزُرگ تے سردار کاہِن تے شریعت دے عالم اُونکُوں رَد کرݨ، تے او قتل کیتا ونجے تے تریجھے ڈینہہ ولا زندہ تھی ونجے۔

متّی 26:66

اُنہاں جواب ڈِتا، ”او سزائے موت دے لائق ہے۔“

متّی 16:21

اُوں ویلے تُوں یسُوع آپنڑے شاگرداں اُتے ظاہر کرݨ شروع کر ڈِتا جو اُوندے کیتے لازمی ہے جو یروشلیم ونجے تے بزُرگاں تے سردار کاہِناں تے شریعت دے عالماں دے ہتُھوں بہُوں ڈُکھ چاوے تے قتل کیتا ونجے، تے تریجھے ڈینہہ زندہ تھی ونجے۔

یعقُوب 5:6

تُساں بے قصُور کُوں قصُوروار بنڑایا تے قتل کر ڈِتا بھانویں اُوں تُہاڈا مُقابلہ نہ کیتا۔

اعمال 20:22

ڈیکھو ہُنڑ مَیں رُوح دا پابند تھی تے یروشلیم ویندا پِیا ہاں تے میکُوں پتہ نئیں جو اُتھاں میڈے نال کیا تھیسی۔

اعمال 13:27

کیوں جو یروشلیم دے راہنڑ آلیاں تے اُوندے سرداراں یسُوع کُوں نہ سُنجانڑیا تے نہ نبیاں دیاں گالھیں سمجھیاں جیہڑیاں ہر سبت کُوں سُنڑائیاں ویندیاں ہِن۔ اِیں واسطے اُوندے اُتے سزا دا حُکم ڈے تے اُنہاں کُوں پُورا کیتا۔

یُوحنّا 19:11

یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“

یُوحنّا 18:28

وَل یہُودی راہنما سویل نال یسُوع کُوں کائفا دے کولُھوں رومی گورنر دے قلعہ ءچ گِھن گئے۔ پر او خود قلعہ دے اندر نہ گئے تاں جو ناپاک نہ تھی ونجنڑ بلکہ فسح دا کھانڑا کھا سگنڑ۔

لُوقا 23:21

پر او چیخدے ریہے جو ”اُونکُوں مصلُوب کر، مصلُوب کر!“

لُوقا 9:22

تے آکھیا، ”ضرور ہے جو اِبنِ آدم بہُوں ڈُکھ چاوے تے بزُرگ تے سردار کاہِن تے شریعت دے عالم اُونکُوں رَد کرݨ، تے او قتل کیتا ونجے تے تریجھے ڈینہہ زندہ تھی ونجے۔“

مرقس 15:1

سویل تھیندے ای سردار کاہِناں، بزُرگاں تے شریعت دے عالماں تے سبھ صدر ِ عدالت دے ممبراں نال صلاح کر تے یسُوع کُوں بدھیا تے گِھن تے پِیلاطُس دے حوالے کر ڈِتا۔

مرقس 14:64

تُساں ایہ کُفر سُنڑیا ہے۔ تُہاڈا کیا خیال ہے؟“ اُنہاں سبھ اُوندے خلاف فیصلہ ڈِتا جو ”او موت دے لائق ہے۔“

مرقس 9:31

اِیں واسطے جو او آپنڑے شاگرداں کُوں تعلیم ڈیندا تے اُنہاں کُوں اکھیندا ہا جو ”اِبنِ آدم بندیاں دے حوالے کیتا ویسی تے او اُونکُوں قتل کریسن تے او قتل تھیوݨ دے ترے ڈینہہ بعد زندہ تھی ویسی۔“

مرقس 9:12

اُوں اُنہاں کُوں آکھیا جو ”ایلیّاہ تاں پہلے آ تے سبھ کُجھ بحال کریسی، پر کلام ءچ اِبنِ آدم دے بارے ءچ کیوں لِکھیا ہے جو ’او بہُوں ڈُکھ چیسی تے حقیر کیتا ویسی؟‘

یُوحنّا 18:32

ایہ اِیں واسطے تھیّا جو یسُوع دی او گالھ پُوری تھیوے جو او کئیں طرحاں دی موت مرسی۔