مرقس 10:32 - کِتاب مُقدّس سرائیکی ترجمہ

³² تے او یروشلیم دے رستے اُتے ویندے پئے ہَن تے یسُوع اُنہاں دے اگُوں اگُوں ٹُردا ویندا ہا۔ شاگرد حیران تھیوݨ لگے تے جیہڑے پِچُھوں آندے ہَن ڈرݨ لگے۔ وَل او اُنہاں بارہاں کُوں اَنج گِھن تے اُنہاں کُوں او گالھیں ڈسنڑ لگا جیہڑیاں اُوندے اُتے آوݨ آلیاں ہَن۔

مرقس 10:32 Referans Kwoze

لُوقا 9:51

جِیں ویلے او ڈینہہ نیڑے آئے جو یسُوع اسمان اُتے چاتا ونجے تاں اُوں پکّے اِرادے نال یروشلیم دا رُخ کیتا،

یُوحنّا 11:16

وَل توما جِینکُوں جاڑا آدھے ہَن باقی شاگرداں کُوں آکھنڑ لگا جو ”آؤ اساں وی جُلوں تاں جو اُوندے نال مرُوں۔“

یُوحنّا 11:8

شاگرداں اُونکُوں آکھیا، ”ربّی! کُجھ ڈینہہ پہلے تاں یہُودی تُہاکُوں سنگسار کرݨ دی کوشش ءچ ہَن تے وَل وی تُساں اُتھاں واپس ونجنڑ چاہندے ہیوے؟“

لُوقا 10:23

وَل یسُوع شاگرداں دو مُڑ تے خاص اُنہاں کُوں ای آکھیا، ”مُبارک ہِن او اکھیں جیہڑیاں ایہ گالھیں ڈیدھیاں ہِن جِنہاں کُوں تُساں ڈیدھے ہیوے۔

مرقس 4:34

تے بغیر مثال دے اُنہاں کُوں کُجھ نہ آدھا ہا۔ پر کلھیپے ءچ آپنڑے شاگرداں کُوں سبھ کُجھ سمجھا ڈیندا ہا۔

متّی 13:11

اُوں جواب ءچ آکھیا، ”تُہاکُوں تاں اسمان دی بادشاہی دے راز سمجھنڑ دی قابلیت ڈِتی گئی ہے پر اُنہاں کُوں نئیں ڈِتی گئی۔

متّی 11:25

اُوں ویلے یسُوع آکھیا، ”اے باپ، اسمان تے زمین دے مالک، مَیں تیڈا شُکر کریندا ہاں جو تَیں ایہ گالھیں دانا لوکاں تے عالماں کنُوں لُکائیاں تے بالاں اُتے ظاہر کیتیاں۔

مرقس 1:27

سارے لوک حیران تھئے تے ہِک ڈُوجھے کُوں آکھنڑ لگے ”ایہ کیا ہے؟ ایہ تاں نوِیں تعلیم ہے جیہڑی اِختیار نال ڈِتی ویندی پئی ہے۔ او بدرُوحاں کُوں حُکم ڈیندے تے او اُوندا حُکم منیندیاں ہِن۔“

لُوقا 19:28

ایہ گالھیں آکھ تے یسُوع یروشلیم آلے پاسے اُنہاں دے اگُوں اگُوں ٹُریا۔