مرقس 10:30 - کِتاب مُقدّس سرائیکی ترجمہ

³⁰ اُونکُوں اِیں زمانہ ءچ گھر، بِھرا، بھینڑاں، ماء، بال تے رَڑھ سو گُنا ضرور مِلسی، پر نال نال ظلم وی تے آوݨ آلی دُنیا ءچ اُونکُوں ہمیشاں دی زندگی مِلسی۔

مرقس 10:30 Referans Kwoze

فِلِپّیوں 3:8

بلکہ میڈے کیتے آپنڑے خُداوند یسُوع مسیح کُوں جانڑن اِتنی قیمتی گالھ ہے جو اُوندے مُقابلہ ءچ ڈُوجھیاں سبھ چیزاں کُوں نُقصان سمجھدا ہاں۔ اُوندی خاطر مَیں سبھ چیزاں دا نُقصان برداشت کیتے تے اُنہاں کُوں کُوڑا سمجھدا ہاں تاں جو مسیح کُوں حاصل کر گِھناں،

لُوقا 18:30

تے اِیں زمانے ءچ اُونکُوں کئی گُنا زیادہ نہ مِلے تے آوݨ آلی دُنیا ءچ ہمیشاں دی زندگی۔“

2کُرِنتھِیوں 6:10

ڈُکھی ہیں پر ہمیشاں خوش راہندے ہیں، غریب ہیں پر بہُوں ساریاں کُوں دولت مند بنڑا ڈیندے ہیں، مسکین ہیں پر ساڈے کولھ سبھ کُجھ ہے۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

یعقُوب 5:11

ڈیکھو، اساں صبر کرݨ آلیاں کُوں مُبارک آدھے ہیں۔ تُساں ایُّوب دے صبر دے بارے ءچ تاں سُنڑیا ای ہے تے ایہ وی جانڑدے ہیوے جو خُدا دی طرفوں اِیندا کیا انجام تھیّا، کیوں جو خُداوند وڈا رحم دل تے مہربان ہے۔

مُکاشفہ 3:18

میڈا مشورہ ایہ ہے جو مَیں کنُوں بھاہ ءچ خالص کیتا ہویا سونا مُل گِھن چا، تاں جو دولت مند تھی ونجیں تے مَیں کنُوں چِٹے کپڑے گِھن چا، تاں جو اُنہاں کُوں پا تے تیکُوں ننگا تھیوݨ دے سببّوں شرمندہ نہ تھیونڑا پووے تے آپنڑے اکھیں ءچ پاوݨ کیتے سُرمہ گِھن چا، تاں جو ڈیکھ سگیں۔

1 تِیمُتھِیُس 6:6

پر دینداری دے نال نال آپنڑی حالت اُتے خوش راہوݨ وڈے نفع دی گالھ ہے

اعمال 5:41

بس رسُول عدالت ءچوں اِیں گالھ تُوں خوش تھی تے چلے گئے جو اساں یسُوع دے ناں دی خاطر بے عزت تھیوݨ دے لائق تاں تھئے۔

1 یُوحنّا 3:1

ڈیکھو باپ ساڈے نال کیجھی محبت کیتی ہے جو اساں خُدا دے فرزند اکھویندے ہیں۔ تے اساں واقعی ہیں وی۔ دُنیا ساکُوں اِیں واسطے نئیں جانڑدی جو اِیں اُونکُوں وی نہ جانڑیا۔

2تھِسّلُنیکیوں 2:16

ہُنڑ ساڈا خُداوند یسُوع مسیح خود تے ساڈا باپ خُدا جئیں ساڈے نال محبت رکھی تے آپنڑے فضل نال ابدی تسلی تے چنگی اُمید بخشی،

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

رومیوں 5:3

تے صرف اِیہو نئیں بلکہ اساں مُصیبتاں ءچ خوش تھیندے ہیں کیوں جو اساں جانڑدے ہیں جو مُصیبت نال صبر پیدا تھیندے۔

اعمال 16:25

اَدھ رات ویلے پولُس تے سِیلاس دُعا تے خُدا دی حمد کریندے پئے ہَن تے قیدی سُنڑدے پئے ہَن،

یُوحنّا 10:23

یسُوع ہیکل دے سُلیمانی برانڈے ءچ ٹہلدا پِیا ہا۔

متّی 12:32

تے جے کوئی اِبنِ آدم دے خلاف کوئی گالھ کریسی اُونکُوں معاف کیتا ویسی، پر جیہڑا رُوح القُدس دے خلاف کوئی گالھ کریسی او اُونکُوں معاف نہ کیتی ویسی نہ اِیں جہان ءچ نہ آوݨ آلے ءچ۔

متّی 6:33

پر پہلے تُساں خُدا دی بادشاہی تے راستبازی دی گولھ ءچ راہو تاں ایہ سبھ چیزاں وی تُہاکُوں مِل ویسن۔

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔

1 یُوحنّا 2:25

تے جیہڑا وعدہ اُوں ساڈے نال کیتے، او ہمیشاں دی زندگی ہے۔

متّی 13:8

کُجھ چنگی زمین اُتے ڈھٹھے تے پھل گِھن آئے۔ کوئی سو گُنا، کوئی سَٹھ گُنا، کوئی ترِیح گُنا۔

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

1 تِیمُتھِیُس 4:8

کیوں جو جِسمانی مشق کنُوں کُجھ فائدہ تاں تھیندے پر دینداری ہر لحاظ نال فائدہ مند ہوندی ہے تے اِیندے ءچ نہ صرف اِیں زندگی کیتے بلکہ آوݨ آلی زندگی کیتے وی وعدہ موجود ہے۔