مرقس 10:23 - کِتاب مُقدّس سرائیکی ترجمہ

²³ وَل یسُوع چودھارُوں نظر کر تے آپنڑے شاگرداں کُوں آکھیا، ”دولت منداں دا خُدا دی بادشاہی ءچ داخل تھیوݨ کیجھا اوکھا ہے!“

مرقس 10:23 Referans Kwoze

1کُرِنتھِیوں 1:26

بِھراؤ! اِیں گالھ اُتے غور کرو جو جِیں ویلے خُدا تُہاکُوں سڈیا تاں تُساں کیا ہَوے۔ تُہاڈے ءچوں بہُوں گھٹ دُنیا دی نظر ءچ حِکمت آلے، بہُوں گھٹ اثر رکھنڑ آلے تے بہُوں گھٹ وڈے خاندان آلے ہَن۔

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

لُوقا 18:24

یسُوع اُونکُوں ڈیکھ تے آکھیا، ”دولت منداں دا خُدا دی بادشاہی ءچ داخل تھیوݨ کیجھا اوکھا ہے!

مرقس 3:5

یسُوع اُنہاں دی سخت دِلی دے سببّوں بہُوں ڈُکھی تھیّا۔ اُوں اُنہاں کُوں کاوڑ نال ڈِٹھا تے اُوں بندے کُوں آکھیا، ”آپنڑا ہتھ ودھا۔“ اُوں ودھایا تے اُوندا ہتھ ٹھیک تھی گِیا۔

2 پطرس 1:11

بلکہ اِیندے نال تُساں ساڈے خُداوند تے نجات ڈیوݨ آلے یسُوع مسیح دی ابدی بادشاہی ءچ وڈی عزت نال داخل کیتے ویسو۔

یعقُوب 4:4

خُدا نال بے وفائی کرݨ آلیو! کیا تُہاکُوں پتہ نئیں جو دُنیا نال دوستی رکھنڑ خُدا نال دُشمنڑی کرݨ ہے؟ اِیں واسطے جیہڑا کوئی دُنیا دا دوست بنڑݨ چاہندے او خُدا دا دُشمنڑ بنڑ ویندے۔

یُوحنّا 3:5

یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔

مرقس 10:15

مَیں تُہاکُوں سچ آدھا ہاں جو جیہڑا کوئی خُدا دی بادشاہی کُوں بال آلی کار قبول نہ کرے او اُوندے ءچ کڈھائیں داخل نہ تھیسی۔“

مرقس 5:32

اُوں چودھارُوں نِگاہ ماری تاں جو اُونکُوں ڈیکھے جئیں اِینویں کیتے؟

متّی 18:3

تے آکھیا، ”مَیں تُہاکُوں سچ آدھا ہاں جو جے تُساں توبہ نہ کرو تے بالاں وانگُوں نہ بنڑو تاں تُساں اسمان دی بادشاہی ءچ اصلُوں داخل نہ تھیسو۔

مرقس 10:22

ایہ سُنڑ تے اُوں بندے دا مُنہ لہہ گِیا تے او غمگین تھی تے چلیا گِیا، کیوں جو او بہُوں مالدار ہا۔