مرقس 10:14 - کِتاب مُقدّس سرائیکی ترجمہ

¹⁴ یسُوع ایہ ڈیکھ تے ناراض تھیّا تے اُنہاں کُوں آکھیا، ”بالاں کُوں میڈے کولھ آوݨ ڈیؤ، اُنہاں کُوں نہ ہٹکو، کیوں جو خُدا دی بادشاہی ایجھیاں ای دی ہے۔

مرقس 10:14 Referans Kwoze

متّی 19:14

پر یسُوع آکھیا، ”بالاں کُوں میڈے کولھ آوݨ ڈیؤ تے اُنہاں کُوں نہ ہٹکو کیوں جو اسمان دی بادشاہی ایجھیاں ای دی ہے۔“

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

متّی 18:4

بس جیہڑا کوئی آپنڑے آپ کُوں اِیں بال وانگُوں چھوٹا بنڑیسی اُوہو اسمان دی بادشاہی ءچ سبھ کنُوں وڈا ہوسی۔

1 پطرس 2:2

نویں پیدا تھئے بالاں وانگُوں خالص رُوحانی کھیر دی خواہش ءچ راہو تاں جو اُوندے ذریعے آپنڑی نجات ءچ ودھدے ونجو۔

2 تِیمُتھِیُس 3:15

تے تُوں چھوٹے لا کنُوں خُدا دے پاک صحیفیاں تُوں واقف ہیں جیہڑے تیکُوں مسیح یسُوع اُتے اِیمان گِھن آوݨ نال نجات حاصل کرݨ دی دانائی بخش سگدن۔

مُکاشفہ 14:5

اُنہاں دے مُنہ ءچوں کڈھائیں کُوڑ نئیں نِکلیا، بلکہ او بے عیب ہِن۔

2 تِیمُتھِیُس 1:5

میکُوں تیڈا او حقیقی اِیمان وی یاد آندے جیہڑا پہلے تیڈی نانی لُوئِس تے تیڈی ماء یُونِیکے دا ہا، تے میکُوں یقین ہے جو اُوہو اِیمان تیڈا وی ہے۔

اِفِسیوں 4:26

غُصے ءچ آ تے گُناہ نہ کرو تے تُہاڈا غُصہ سِجھ لہوݨ تئیں نہ راہوے۔

1کُرِنتھِیوں 14:20

بِھراؤ! تُساں سمجھ ءچ بال آلی کار نہ بنڑو۔ بُرائی ءچ تاں بالاں وانگُوں بنڑو پر سمجھ ءچ بالغ بنڑو۔

1کُرِنتھِیوں 7:14

کیوں جو جیہڑا پایا اِیماندار نئیں او آپنڑی ذال دے سببّوں پاک ہے تے غیر مسیحی ذال آپنڑے اِیماندار پئے دے سببّوں پاک ہے، نہ تاں تُہاڈے بال ناپاک ہوندے پر ہُنڑ پاک ہِن۔

رومیوں 11:28

بنی اِسرائیل دے بہُوں سارے لوک خوشخبری دے دُشمنڑ ہِن تے اِیندے نال تُہاکوں فائدہ ہے پر ہُنڑ وی او خُدا دے چُنڑے ہوئے لوک ہِن تے پِیُو ڈاڈا دی وجہ کنُوں خُدا دے پیارے ہِن۔

رومیوں 11:16

جے نذر دا پہلا پیڑا پاک ہووے تاں سارا مَلیا ہویا اٹّا وی پاک ہوسی تے جے جڑھ پاک ہے تاں اُوندیاں لڑیاں وی پاک ہوسن۔

اعمال 3:25

تُساں نبیاں دی اولاد تے اُوں عہد ءچ شریک ہیوے جیہڑا خُدا تُہاڈے پِیُو ڈاڈا نال کیتا جِیں ویلے ابرہام کُوں آکھیا جو ’تیڈی اولاد کنُوں دُنیا دے سبھ لوک برکت پیسن۔‘

اعمال 2:39

کیوں جو ایہ وعدہ تُہاڈے کیتے تے تُہاڈی اولاد کیتے بلکہ اُنہاں ساریاں کیتے وی ہے جیہڑے دُور دے ہِن، جِنہاں کُوں خُداوند ساڈا خُدا آپنڑے کولھ سڈیسی۔“

مرقس 8:33

پر اُوں مُڑ تے آپنڑے شاگرداں کُوں ڈِٹھا تے پطرس کُوں ملامت کیتی تے آکھیا، ”شیطان! میڈے کنُوں دُور تھی وَنج کیوں جو تُوں خُدا دے گالھیں دا نئیں بلکہ اِنسان دے گالھیں دا لحاظ کریندیں۔“

مرقس 3:5

یسُوع اُنہاں دی سخت دِلی دے سببّوں بہُوں ڈُکھی تھیّا۔ اُوں اُنہاں کُوں کاوڑ نال ڈِٹھا تے اُوں بندے کُوں آکھیا، ”آپنڑا ہتھ ودھا۔“ اُوں ودھایا تے اُوندا ہتھ ٹھیک تھی گِیا۔

متّی 5:3

”مُبارک ہِن او جیہڑے دل دے غریب ہِن، کیوں جو اسمان دی بادشاہی اُونہی دی ہے۔

متّی 5:10

مُبارک ہِن او جیہڑے راستبازی دے سببّوں ستائے گئے ہِن، کیوں جو اسمان دی بادشاہی اُونہی دی ہے۔

یُوحنّا 3:3

یسُوع جواب ءچ اُونکُوں آکھیا، ”مَیں تیکُوں سچ آدھا ہاں جو جئیں تئیں کوئی نویں سرے تُوں پیدا نہ تھیوے، او خُدا دی بادشاہی کُوں ڈیکھ نئیں سگدا۔“

یُوحنّا 3:5

یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔