مرقس 1:5 - کِتاب مُقدّس سرائیکی ترجمہ

⁵ یہُودیہ دے علاقے تے یروشلیم دے سارے لوک اُوندے کولھ آئے تے آپنڑے گُناہاں دا اِقرار کر تے یردن دریا ءچ اُوں کنُوں بپتسمہ گِھدا۔

مرقس 1:5 Referans Kwoze

اعمال 19:18

تے بہُوں سارے لوکاں جیہڑے اِیمان گِھن آئے ہَن، آ تے آپنڑے بُرے کماں دا اِظہار تے اِقرار کیتا۔

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

یُوحنّا 3:23

یُوحنّا وی شالیم شہر دے نیڑے عینون ءچ بپتسمہ ڈیندا ہا، کیوں جو اُتھاں پانڑی بہُوں ہا، تے لوک آ تے بپتسمہ گِھندے ہَن۔

یُوحنّا 1:28

ایہ واقعات یردن دریا دے پار بیت عنیاہ ءچ پیش آئے جِتھاں یُوحنّا بپتسمہ ڈیندا ہا۔

متّی 4:25

تے گلیل تے دکُپُلس تے یروشلیم تے یہُودیہ تے یردن دے پار تُوں وڈی بِھیڑ اُوندے پِچُھوں تھی پئی۔

مرقس 1:4

یُوحنّا بپتسمہ ڈیوݨ آلا آیا تے بیابان ءچ تبلیغ کرݨ لگا جو گُناہاں دی معافی کیتے توبہ کر تے بپتسمہ گِھنو۔

مرقس 1:6

یُوحنّا اُٹھ دے والاں دا لباس پَیندا تے چمڑے دا پٹکا آپنڑی چیل نال بدھی رکھیندا تے ٹِڈیاں تے جنگلی ماکھی کھاندا ہا۔

یُوحنّا 5:35

یُوحنّا چمکدا تے بلدا ہویا چراغ ہا تے تُساں کُجھ عرصے تئیں اُوندی روشنی ءچ خوش راہونڑا پسند کیتا۔

یعقُوب 5:16

اِیں کیتے تُساں ہِک ڈُوجھے دے سامنڑے آپنڑے گُناہاں دا اِقرار کرو تے ہِک ڈُوجھے کیتے دُعا کرو تاں جو شِفا پاؤ۔ کیوں جو راستباز دی دُعا دے اثر نال بہُوں کُجھ تھی سگدے۔