مرقس 1:4 - کِتاب مُقدّس سرائیکی ترجمہ

⁴ یُوحنّا بپتسمہ ڈیوݨ آلا آیا تے بیابان ءچ تبلیغ کرݨ لگا جو گُناہاں دی معافی کیتے توبہ کر تے بپتسمہ گِھنو۔

مرقس 1:4 Referans Kwoze

یُوحنّا 3:23

یُوحنّا وی شالیم شہر دے نیڑے عینون ءچ بپتسمہ ڈیندا ہا، کیوں جو اُتھاں پانڑی بہُوں ہا، تے لوک آ تے بپتسمہ گِھندے ہَن۔

متّی 3:6

تے آپنڑے گُناہاں دا اِقرار کر تے یردن دریا ءچ اُوں کنُوں بپتسمہ گِھدا۔

لُوقا 1:77

تاں جو اُوندے لوکاں کُوں نجات دا علم بخشیں جیہڑا اُنہاں کُوں گُناہاں دی معافی تُوں حاصل تھیوے۔

اعمال 22:16

ہُنڑ کیجھی دیر؟ اُٹھی بپتسمہ گِھن، تے اُوندا ناں گِھن تے آپنڑے گُناہ دھو گِھن۔‘

اعمال 10:37

اُوں گالھ کُوں تُساں جانڑدے ہیوے جیہڑی یُوحنّا بپتسمہ ڈیوݨ آلے دی منادی دے بعد گلیل کنُوں گِھن تے سارے یہُودیہ ءچ مشہور تھی گئی،

متّی 3:11

مَیں تاں تُہاکُوں توبہ کیتے پانڑی نال بپتسمہ ڈیندا ہاں پر جیہڑا میڈے بعد آندے او مَیں تُوں زیادہ زور آور ہے۔ مَیں تاں اُوندیاں جُتیاں چاوݨ دے وی لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

مرقس 1:5

یہُودیہ دے علاقے تے یروشلیم دے سارے لوک اُوندے کولھ آئے تے آپنڑے گُناہاں دا اِقرار کر تے یردن دریا ءچ اُوں کنُوں بپتسمہ گِھدا۔