35 صُبح سویلے جِیں ویلے اندھارا ای ہا، یسُوع اُٹھی تے گھر کنُوں باہر ہِک ویران جاہ تے وَنج تے دُعا کیتی۔
اُنہاں ڈینہاں ءچ یسُوع دُعا کرݨ کیتے پہاڑ اُتے گِیا تے ساری رات خُدا کنُوں دُعا منگدا ریہا۔
ہر ویلے رُوح القُدس ءچ ہر طرحاں نال دُعا تے مِنت کریندے راہو۔ تے اِیں مقصد کیتے جاگدے راہو تے سارے مُقدّساں کیتے ہر ویلے دُعا کریندے راہو۔
پر او اکثر بیابان ءچ الگ وَنج تے دُعا کریندا ہا۔
جِیں ویلے یسُوع اِیں دُنیا ءچ ہا، اُوں خُدا کنُوں جیہڑا اُونکُوں موت کنُوں بچا سگدا ہا، اُچی اواز ءچ تے ہنجُو وہا وہا تے دُعاواں تے مِنتاں کیتیاں، تے اُوندی سُنڑی گئی کیوں جو اُوں آپنڑے آپ کُوں خُدا کیتے وقف کیتا ہا۔
بس یسُوع ایہ معلوم کر تے جو او میکُوں زبردستی پکڑ تے بادشاہ بنڑاوݨ چاہندے ہِن، وَل کلھا پہاڑ دو روانہ تھی گِیا۔
تے لوکاں کُوں روانہ کر تے او کلھا دُعا کرݨ کیتے ہِک پہاڑ اُتے چڑھ گِیا تے جِیں ویلے شام تھئی تاں او اُتھاں کلھا ہا۔
تُہاڈا مزاج اُونویں ای ہووے جِینویں مسیح یسُوع دا ہا۔
یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔
جِیں ویلے یسُوع ایہ سُنڑیا تاں او کشتی ءچ ہِک ویران جاہ دو کلھا روانہ تھیّا۔ پر لوک ایہ سُنڑ تے شہر شہر کنُوں نِکل تے پیدل ای اُوندے پِچُھوں ٹُر پئے۔
تے شمعون تے اُوندے ساتھی اُونکُوں گولھنڑ گئے۔