مرقس 1:27 - کِتاب مُقدّس سرائیکی ترجمہ

²⁷ سارے لوک حیران تھئے تے ہِک ڈُوجھے کُوں آکھنڑ لگے ”ایہ کیا ہے؟ ایہ تاں نوِیں تعلیم ہے جیہڑی اِختیار نال ڈِتی ویندی پئی ہے۔ او بدرُوحاں کُوں حُکم ڈیندے تے او اُوندا حُکم منیندیاں ہِن۔“

مرقس 1:27 Referans Kwoze

لُوقا 9:1

یسُوع اُنہاں بارہاں کُوں سڈ تے اُنہاں کُوں سبھ بیماریاں کنُوں شِفا ڈیوݨ تے بدرُوحاں اُتے قُدرت تے اِختیار بخشیا۔

مرقس 7:37

لوکاں بہُوں ای حیران تھی تے آکھیا، ”جیہڑا کُجھ اُوں کیتے سبھ چنگا کیتے۔ او ڈوریاں کُوں سُنڑݨ تے گُونگیاں کُوں بولنڑ دی طاقت ڈیندے۔“

متّی 15:31

جِیں ویلے لوکاں ڈِٹھا جو گُونگے بُولیندن، ٹُنڈے تندرُست تھیندن، منڈے ٹُردے ہِن تے اندھے ڈیدھے ہِن تاں بہُوں حیران تھئے تے بنی اِسرائیل دے خُدا دی تعریف کیتی۔

متّی 9:33

جِیں ویلے او بدرُوح کڈھ ڈِتی گئی تاں گُونگا بولنڑ لگ پِیا تے لوکاں حیران تھی تے آکھیا جو ”ایجھا اِسرائیل ءچ کڈھائیں نئیں ڈِٹھا گِیا۔“

لُوقا 4:36

سارے لوک حیران تھئے تے ہِک ڈُوجھے کُوں آکھنڑ لگے ”ایہ کیجھا کلام ہے؟ او اِختیار تے قُدرت نال بدرُوحاں کُوں حُکم ڈیندے تے او نِکل ویندیاں ہِن۔“

مرقس 10:32

تے او یروشلیم دے رستے اُتے ویندے پئے ہَن تے یسُوع اُنہاں دے اگُوں اگُوں ٹُردا ویندا ہا۔ شاگرد حیران تھیوݨ لگے تے جیہڑے پِچُھوں آندے ہَن ڈرݨ لگے۔ وَل او اُنہاں بارہاں کُوں اَنج گِھن تے اُنہاں کُوں او گالھیں ڈسنڑ لگا جیہڑیاں اُوندے اُتے آوݨ آلیاں ہَن۔

مرقس 10:24

شاگرد اُوندے گالھیں کنُوں حیران تھئے، پر یسُوع اُنہاں کُوں وَل آکھیا، ”بالو، خُدا دی بادشاہی ءچ داخل تھیوݨ کیجھا ای اوکھا ہے!

متّی 8:9

کیوں جو مَیں خود وی کہیں بئے دے اِختیار ءچ ہاں تے سپاہی میڈے ماتحت ہِن، تے جیہڑے ویلے مَیں ہِک کُوں آدھا ہاں جو ’وَنج‘ تاں او ویندے، تے ڈُوجھے کُوں جو ’آ‘ تاں او آندے تے آپنڑے نوکر کُوں جو ’ایہ کر‘ تاں او کریندے۔“

مرقس 1:26

بس او بدرُوح اُوں بندے کُوں بُری طرحاں مروڑ تے وڈے زور نال چیخ مار تے اُوندے ءچوں نِکل گئی۔

مرقس 1:28

یسُوع دی مشہوری بہُوں جلدی گلیل دے چودھارُوں ہر جاہ تھی گئی۔

مرقس 16:5

قبر آلی غار دے اندر داخل تھی تے اُنہاں ہِک جوان کُوں چِٹا چولا پاتے سجے پاسُوں بیٹھے ڈِٹھا تے بہُوں حیران تھیّاں۔

مرقس 16:6

اُوں اُنہاں کُوں آکھیا، ”ایجھیاں حیران نہ تھیؤ۔ تُساں یسُوع ناصری کُوں گولھیندیاں ہیوے جیہڑا مصلُوب تھیّا ہا۔ او زندہ تھی گئے۔ او اِتھاں کائنی۔ ڈیکھو ایہ او جاہ ہے جِتھاں اُنہاں اُونکُوں رکھیا ہا۔

اعمال 17:19

وَل او اُونکُوں آپنڑے نال اریوپگُس اُتے گِھن گئے تے آکھنڑ لگے ”کیا اساں جاݨ سگدے ہیں جو ایہ نوِیں تعلیم جیہڑی تُوں ڈیندیں کیا ہے؟