متّی 9:6 - کِتاب مُقدّس سرائیکی ترجمہ

⁶ پر مَیں چاہندا ہاں جو تُہاکُوں پتہ لگے جو اِبنِ آدم کُوں زمین اُتے گُناہ معاف کرݨ دا اِختیار ہے۔“ وَل اُوں فالج دے مریض کُوں آکھیا، ”اُٹھی، آپنڑی کَھٹ چا تے گھر لگا وَنج۔“

متّی دی راہِیں اِنجِیل سرائیکی بولی اِچ

⁶ پَر اِیں کیتے جو تُہاکُوں پتا لڳے جو اِبنِ‌آدم یعنی مَیکُوں زمین اُتے گُناہ مُعاف کرَݨ دا اِختیار ہے۔“ اِیندے بعد اُوں مفلُوج کُوں آکھیا،”اُٹھی اپݨا کھٹڑا چا اَتے اپݨے گھر دو لڳا وَنڄ۔“

متّی 9:6 Referans Kwoze

متّی 9:5

کیا ایہ آکھنڑ اسان ہے جو تیڈے گُناہ معاف تھئے یا ایہ آکھنڑ جو اُٹھی تے ٹُر پِھر؟

2کُرِنتھِیوں 2:10

جِینکُوں تُساں معاف کریندے ہیوے اُونکُوں مَیں وی معاف کریندا ہاں۔ جے مَیں معافی ڈِتی تاں مسیح کُوں حاضر جاݨ تے تُہاڈی خاطر معاف کیتا۔

کلُسِّیوں 3:13

ہِک ڈُوجھے دی برداشت کرو تے جے کوئی شکایت ہووے تاں ہِک ڈُوجھے کُوں معاف کرو۔ جِینویں خُداوند تُہاکُوں معاف کیتے، اُونویں ای تُساں وی معاف کرو۔

اِفِسیوں 4:32

ہر ہِک نال مہربانی تے نرم دِلی نال پیش آؤ۔ جِینویں خُدا مسیح ءچ تُہاڈے قصُور معاف کیتے ہِن، تُساں وی ہِک ڈُوجھے دے قصُور معاف کرو۔

2کُرِنتھِیوں 5:20

اِیں واسطے اساں مسیح دے ایلچی ہیں جِینویں جو خُدا ساڈے ذریعے لوکاں کُوں سمجھیندے۔ تے اساں مسیح دی طرفوں تُہاڈی مِنت کریندے ہیں جو ”خُدا نال صُلح کر گِھنو۔“

اعمال 9:34

پطرس اُونکُوں آکھیا ”اَینیاس! یسُوع مسیح تیکُوں شِفا ڈیندے۔ اُٹھی تے آپنڑا بستر آپ ولھیٹ۔“ او فوراً اُٹھی کھڑا تھیّا۔

اعمال 5:31

خُدا اُونکُوں ای مالک تے نجات ڈیوݨ آلا بنڑا تے آپنڑے سجے ہتھ آلے پاسُوں بِلھا گِھدا تاں جو اِسرائیل کُوں توبہ دی توفیق تے گُناہاں دی معافی بخشے۔

یُوحنّا 17:2

کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

یُوحنّا 10:28

مَیں اُنہاں کُوں ہمیشاں دی زندگی ڈیندا ہاں تے او کڈھائیں ہلاک نہ تھیسن، تے کوئی اُنہاں کُوں میڈے ہتھ کنُوں کَھس نہ سگسی۔

لُوقا 5:21

اِیں تُوں شریعت دے عالم تے فریسی سوچنڑ لگے ”ایہ بندہ کوݨ ہے جیہڑا کُفر بَکدے؟ خُدا دے سِوا کوݨ گُناہ معاف کر سگدے؟“

مرقس 2:10

پر مَیں چاہندا ہاں جو تُہاکُوں پتہ لگے جو اِبنِ آدم کُوں زمین اُتے گُناہ معاف کرݨ دا اِختیار ہے۔“ وَل اُوں فالج دے مریض کُوں آکھیا،

مرقس 2:7

”ایہ کیوں اِینویں آدھے؟ کُفر بَکدے۔ خُدا دے سِوا کوݨ گُناہ معاف کر سگدے؟“

متّی 8:20

یسُوع اُونکُوں آکھیا، ”لومبڑیاں دیاں گھوراں ہوندن تے پکھیاں دے آلہنڑے پر مَیں اِبنِ آدم کیتے کوئی جاہ نئیں جِتھاں مَیں آپنڑا سر رکھ سگاں۔“

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

متّی 9:2

تے لوک ہِک فالج دے مریض کُوں اُوندے کولھ گِھن آئے جیہڑا کَھٹ اُتے ہا۔ یسُوع اُنہاں دا اِیمان ڈیکھ تے فالج دے مریض کُوں آکھیا، ”پوتر حوصلہ رکھ، تیڈے گُناہ معاف تھئے۔“

متّی 9:7

او اُٹھی تے آپنڑے گھر لگا گِیا۔

یُوحنّا 5:8

یسُوع اُونکُوں آکھیا، ”اُٹھی تے آپنڑا بسترا چا تے ٹُر پِھر۔“

یُوحنّا 5:27

بلکہ اُوں اُونکُوں عدالت کرݨ دا وی اِختیار بخشیا، کیوں جو او اِبنِ آدم ہے۔