متّی 9:35 - کِتاب مُقدّس سرائیکی ترجمہ

³⁵ یسُوع سارے شہراں تے دیہاتاں ءچ وَنج تے اُنہاں دے عبادت خانیاں ءچ تعلیم ڈیندا تے بادشاہی دی خوشخبری سُنڑیندا تے ہر طرحاں دی بیماری تے کمزوری کُوں دُور کریندا ریہا۔

متّی دی راہِیں اِنجِیل سرائیکی بولی اِچ

³⁵ اَتے یِسُوع سارے شہریں اَتے وَستیئیں اِچ پِھردا اَتے اُنہیں دی عبادت گاہیں اِچ تعلیم ݙِیندا اَتے خُدا دی بادشاہت دی خُوشخبری دا پرچار کریندا اَتے ہر طرحاں دی بِیمارئیں اَتے کمزورئیں کنُوں شِفا ݙِیندا ریہا۔

متّی 9:35 Referans Kwoze

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

مرقس 6:56

تے وستیاں، شہراں تے دیہاتاں ءچ جِتھاں وی او ویندا ہا لوک بیماراں کُوں بازاراں ءچ رکھ ڈیندے ہَن تے اُوندی مِنت کریندے ہَن جو او اُنہاں کُوں صرف آپنڑے کپڑے کُوں ہتھ لاوݨ ڈیوے۔ تے جیہڑے اُونکُوں ہتھ لا گِھندے ہَن، ٹھیک تھی ویندے ہَن۔

متّی 11:5

جو اندھے ڈیدھے ہِن، منڈے ٹُردے ہِن، کوڑھی پاک صاف کیتے ویندے ہِن، ڈورے سُنڑدے ہِن، مُردے زندہ کیتے ویندے ہِن تے غریباں کُوں خوشخبری سُنڑائی ویندی ہے۔

لُوقا 13:22

وَل یسُوع شہراں تے وستیاں ءچ تعلیم ڈیندا ہویا یروشلیم دا سفر کریندا پِیا ہا،

اعمال 2:22

اِسرائیلیو! سُنڑو، یسُوع ناصری ایجھا بندہ ہا جیندے ذریعے خُدا تُہاڈے وچال معجزے، عجیب کم تے نشان ڈِکھا تے ثابت کیتا جو او خُدا دی طرفوں ہا۔ تُساں آپ ای ایہ گالھ جانڑدے ہیوے۔

مرقس 6:6

تے او اُنہاں دی بےاعتقادی تے بہُوں حیران تھیّا۔ وَل یسُوع چارے پاسُوں دے دیہاتاں ءچ پِھردے ہوئے تعلیم ڈیندا ریہا۔

متّی 11:1

تے جِیں ویلے یسُوع آپنڑے بارہاں شاگرداں کُوں حُکم ڈے چُکیا تاں او اُتھوں روانہ تھیّا تاں جو اُنہاں دے شہراں ءچ تعلیم ڈیوے تے تبلیغ کرے۔

متّی 10:1

وَل یسُوع آپنڑے بارہاں شاگرداں کُوں کولھ سڈ تے اُنہاں کُوں بدرُوحاں کُوں کڈھنڑ تے سبھ بیماریاں تے تکلیفاں کنُوں شِفا ڈیوݨ دا اِختیار بخشیا۔

مرقس 1:14

وَل یُوحنّا دے پکڑوائے ونجنڑ دے بعد یسُوع گلیل ءچ آیا تے خُدا دی بادشاہی دی خوشخبری دی تبلیغ کیتی۔