متّی 9:34 - کِتاب مُقدّس سرائیکی ترجمہ

³⁴ پر فریسیاں آکھیا جو ”ایہ تاں بدرُوحاں دے سردار دی مدد نال بدرُوحاں کُوں کڈھیندے۔“

متّی دی راہِیں اِنجِیل سرائیکی بولی اِچ

³⁴ پَر فرِیسیئیں آکھیا،”ایہ تاں بَد‌رُوحیں دے سردار دی مدد نال بَد‌رُوحیں کُوں کڈھیندے۔“

متّی 9:34 Referans Kwoze

لُوقا 11:15

پر اُنہاں ءچوں کُجھ آکھیا، ”ایہ تاں بدرُوحاں دے سردار بعل زبُول دی مدد نال بدرُوحاں کُوں کڈھیندے۔“

مرقس 3:22

تے شریعت دے جیہڑے عالم یروشلیم کنُوں آئے ہَن ایہ آدھے ہَن جو ”اُوندے نال بعل زبُول ہے۔ او بدرُوحاں دے سردار دی مدد نال بدرُوحاں کُوں کڈھیندے۔“

یُوحنّا 3:20

کیوں جو جیہڑا کوئی بدی کریندے، او نُور کنُوں نفرت کریندے تے نُور دے کولھ نئیں آندا، اِینویں نہ تھیوے جو اُوندے کم ظاہر تھی ونجنڑ۔

متّی 10:25

شاگرد کیتے کافی ہے جو او آپنڑے اُستاد وانگُوں تے نوکر کیتے ایہ جو او آپنڑے مالک وانگُوں ہووے۔ جِیں ویلے اُنہاں گھر دے مالک کُوں شیطان آکھیا تاں اُوندے گھر آلیاں کُوں کیوں نہ اکھیسن۔

متّی 11:18

کیوں جو یُوحنّا نہ کھاندا نہ پِیندا آیا تے او آدھن جو اُوندے ءچ بدرُوح ہے۔

متّی 12:22

اُوں ویلے لوک یسُوع دے کولھ ہِک اندھے گُونگے بندے کُوں گِھن آئے جیندے ءچ بدرُوح ہئی۔ اُوں اُونکُوں چنگا کر ڈِتا۔ وَل او اندھا گُونگا ڈیکھنڑ تے بولنڑ لگ گِیا۔

متّی 12:27

تے جے مَیں بعل زبُول دی مدد نال بدرُوحاں کُوں کڈھیندا ہاں تاں تُہاڈے شاگرد کیندی مدد نال کڈھیندے ہِن؟ اِیں واسطے اُوہو تُہاڈے مُنصف ہوسن۔

یُوحنّا 7:20

لوکاں جواب ڈِتا، ”تیڈے ءچ تاں کوئی بدرُوح ہے۔ کوݨ تیڈے قتل دی کوشش ءچ ہے؟“