متّی 9:26 - کِتاب مُقدّس سرائیکی ترجمہ

²⁶ تے اِیں گالھ دی شُہرت اُوں سارے علاقے ءچ کِھنڈ گئی۔

متّی دی راہِیں اِنجِیل سرائیکی بولی اِچ

²⁶ اَتے اُوں چھُوہِر دے زندہ تھِیوَن دی خبر سارے علاقے اِچ کھِنڈ ڳئی۔

متّی 9:26 Referans Kwoze

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

مرقس 1:45

پر او اُتھوں نِکل تے ہر کہیں کُوں ڈساوݨ لگا تے اِیں گالھ کُوں اِتنا مشہور کر ڈِتا جو یسُوع کہیں وی شہر ءچ ظاہری طور تے داخل نہ تھی سگیا، بلکہ باہر ویران جاہیں ءچ ریہا تے لوک چودھارُوں اُوندے کولھ آندے ہَن۔

اعمال 26:26

بادشاہ اِنہاں گالھیں تُوں واقف ہے تے مَیں اُوندے نال کُھل تے گالھ کر سگدا ہاں۔ میکُوں یقین ہے جو اِنہاں گالھیں ءچوں کوئی وی اُوں کنُوں لُکی نئیں کیوں جو ایہ قصہ کہیں کونے ءچ نئیں تھیّا۔

مرقس 6:14

ہیرودیس بادشاہ یسُوع دا ذِکر سُنڑیا کیوں جو اُوندا ناں مشہور تھی گِیا ہا۔ کُجھ لوکاں آدھے ہَن جو ”یُوحنّا بپتسمہ ڈیوݨ آلا مُردیاں ءچوں زندہ تھی گئے، اِیں واسطے او معجزے ڈکھیندے۔“

متّی 9:31

پر اُنہاں باہر وَنج تے سارے علاقے ءچ اُونکُوں مشہور کر ڈِتا۔

مرقس 1:28

یسُوع دی مشہوری بہُوں جلدی گلیل دے چودھارُوں ہر جاہ تھی گئی۔

لُوقا 4:14

وَل یسُوع رُوح القُدس دی قوت نال بھریج تے گلیل ءچ واپس آیا تے چودھارُوں اُوندی مشہوری تھی گئی۔

لُوقا 4:37

تے آسُوں پاسُوں دے ہر علاقے ءچ یسُوع دی مشہوری تھی گئی۔

لُوقا 5:15

پر یسُوع دے بارے ءچ خبر مزید کِھنڈ گئی تے بہُوں سارے لوک جمع تھی گئے تاں جو اُوندی سُنڑݨ تے آپنڑیاں بیماریاں کنُوں شِفا پاوݨ۔

لُوقا 7:17

تے یسُوع دے بارے ءچ ایہ خبر سارے یہُودیہ تے آسُوں پاسُوں کِھنڈ گئی۔