متّی 8:6 - کِتاب مُقدّس سرائیکی ترجمہ

⁶ ”میڈے مالک! میڈا نوکر فالج دا ماریا گھر ءچ پِیا ہے تے بہُوں تکلیف ءچ ہے۔“

متّی دی راہِیں اِنجِیل سرائیکی بولی اِچ

⁶ ”سَئیِں! میݙے نوکر کُوں فالج ہے اَتے ٻَہُوں دَرد نال پریشان تھِیا گھر اِچ پئے۔“

متّی 8:6 Referans Kwoze

کلُسِّیوں 4:1

مالکو! آپنڑے نوکراں نال عدل تے اِنصاف نال پیش آؤ کیوں جو تُساں جانڑدے ہیوے جو اسمان اُتے تُہاڈا وی ہِک مالک ہے۔

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

اعمال 9:33

اُتھاں اُونکُوں اَینیاس ناں دا ہِک فالج دا مریض مِلیا جیہڑا اَٹھ سال کنُوں کَھٹ اُتے پِیا ہا۔

فِلیمون 1:16

پر ہُنڑ ہِک غُلام وانگُوں نئیں بلکہ غُلام کنُوں ودھ تے یعنی ہِک بِھرا وانگُوں۔ او میکُوں عزیز ہے پر مَیں کنُوں ودھ تے تیکُوں عزیز ہے نہ صرف اِنسانی طور تے بلکہ خُداوند دے بندہ دی حیثیت نال وی۔

1 تِیمُتھِیُس 6:2

جِنہاں غُلاماں دے مالک اِیماندار ہِن، او اُنہاں کُوں مسیحی بِھرا ہووݨ پارُوں گھٹ عزت نہ ڈیوݨ، بلکہ اُنہاں دی زیادہ خدمت کرݨ کیوں جو اُنہاں دی خدمت کنُوں فائدہ چاوݨ آلے اِیماندار تے عزیز ہِن۔ تُوں اِنہاں گالھیں دی تعلیم تے نصیحت ڈے۔

اعمال 10:7

جِیں ویلے او فرشتہ چلیا گِیا جئیں اُوندے نال گالھیں کیتیاں ہَن تاں کُرنیلیُس آپنڑے نوکراں ءچوں ڈُو کُوں تے آپنڑے خاص سپاہیاں ءچوں ہِک دیندار کُوں سڈیا،

اعمال 8:7

کیوں جو بہُوں سارے لوکاں ءچوں بدرُوحاں وڈی اواز نال چیخاں مار تے نِکل گئیاں تے بہُوں سارے مفلُوج تے منڈے چنگے کیتے گئے۔

متّی 9:2

تے لوک ہِک فالج دے مریض کُوں اُوندے کولھ گِھن آئے جیہڑا کَھٹ اُتے ہا۔ یسُوع اُنہاں دا اِیمان ڈیکھ تے فالج دے مریض کُوں آکھیا، ”پوتر حوصلہ رکھ، تیڈے گُناہ معاف تھئے۔“

متّی 8:7

یسُوع اُونکُوں آکھیا، ”مَیں آ تے اُونکُوں شِفا ڈیساں۔“