متّی 8:20 - کِتاب مُقدّس سرائیکی ترجمہ

²⁰ یسُوع اُونکُوں آکھیا، ”لومبڑیاں دیاں گھوراں ہوندن تے پکھیاں دے آلہنڑے پر مَیں اِبنِ آدم کیتے کوئی جاہ نئیں جِتھاں مَیں آپنڑا سر رکھ سگاں۔“

متّی دی راہِیں اِنجِیل سرائیکی بولی اِچ

²⁰ یِسُوع جواب ݙِتا، ”لُومبڑئیں دیاں گھوراں ہوندِن اَتے پَکھئیں دے آلھݨے پَر اِبنِ‌آدم یعنی میݙے کیتے سِر لُکاوَݨ دی وی کُوئی جاہ کَینی۔“

متّی 8:20 Referans Kwoze

لُوقا 2:7

تے اُوندا پلوٹھا پوتر جمیا۔ اُوں اُونکُوں کپڑے ءچ ولھیٹ تے کُھرلی ءچ رکھ ڈِتا کیوں جو اُنہاں کیتے سراں ءچ جاہ نہ ہئی۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

لُوقا 2:16

بس اُنہاں جلدی نال وَنج تے مریم تے یُوسف کُوں گولھ گِھدا تے اُوں بال کُوں کُھرلی ءچ پِیا ہویا ڈِٹھا۔

لُوقا 2:12

تے اُوندا تُہاڈے کیتے ایہ نشان ہے جو تُساں ہِک بال کُوں کپڑے ءچ ولھیٹیا تے کُھرلی ءچ پِیا ہویا پے سو۔“

لُوقا 8:3

تے یُوأنہ ہیرودیس دے مُنشی خُوزہ دی ذال، تے سُوسنّاہ۔ تے کئی بئیاں عورتاں وی نال ہَن جیہڑیاں آپنڑے مال نال اُوندی خدمت کریندیاں ہَن۔

متّی 12:32

تے جے کوئی اِبنِ آدم دے خلاف کوئی گالھ کریسی اُونکُوں معاف کیتا ویسی، پر جیہڑا رُوح القُدس دے خلاف کوئی گالھ کریسی او اُونکُوں معاف نہ کیتی ویسی نہ اِیں جہان ءچ نہ آوݨ آلے ءچ۔

متّی 19:28

یسُوع اُنہاں کُوں آکھیا، ”مَیں تُہاکُوں سچ آدھا ہاں جو نوِیں دُنیا ءچ جِیں ویلے اِبنِ آدم آپنڑے جلالی تخت اُتے بَہسی تاں تُساں وی جیہڑے میڈے پِچُھوں تھی پئے ہیوے بارہاں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

متّی 17:9

جِیں ویلے او پہاڑ کنُوں تلے لہندے پئے ہَن تاں یسُوع اُنہاں کُوں حُکم ڈِتا جو ”جیہڑا کُجھ تُساں ڈِٹھے جِیں ویلے تئیں اِبنِ آدم مُردیاں ءچوں زندہ نہ تھی ونجے کہیں نال اُوندا ذِکر نہ کرائے۔“

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

متّی 16:13

جِیں ویلے یسُوع قیصریہ فِلپی دے علاقے ءچ آیا تاں اُوں آپنڑے شاگرداں تُوں پُچھیا، ”لوک اِبنِ آدم کُوں کیا آدھے ہِن؟“

متّی 12:40

کیوں جو جِینویں یُوناہ ترے ڈینہہ رات وڈی مچھی دے پیٹ ءچ ریہا اِینویں ای اِبنِ آدم ترے ڈینہہ رات زمین دے اندر راہسی۔

متّی 12:8

کیوں جو اِبنِ آدم سبت دا مالک ہے۔“

متّی 13:37

اُوں جواب ڈِتا، ”چنگے بیج دا رہاوݨ آلا اِبنِ آدم ہے۔

مرقس 8:38

کیوں جو جیہڑا کوئی اِیں زِنا کار تے گُنہگار قوم ءچ مَیں کنُوں تے میڈے کلام کنُوں شرمیسی، مَیں اِبنِ آدم وی جِیں ویلے آپنڑے باپ دے جلال ءچ پاک فرشتیاں نال آساں تاں اُوندے کنُوں شرمیساں۔“

لُوقا 9:58

یسُوع اُونکُوں آکھیا، ”لومبڑیاں دیاں گھوراں ہوندن تے پکھیاں دے آلہنڑے پر مَیں اِبنِ آدم کیتے کوئی جاہ نئیں جِتھاں مَیں آپنڑا سر رکھ سگاں۔“

لُوقا 12:8

مَیں تُہاکُوں آدھا ہاں جو جیہڑا کوئی لوکاں دے سامنڑے میڈا اِقرار کریسی، اِبنِ آدم وی خُدا دے فرشتیاں دے سامنڑے اُوندا اِقرار کریسی۔

لُوقا 18:8

مَیں تُہاکُوں آدھا ہاں جو او اُنہاں دا جلدی اِنصاف کریسی۔ وَل وی جِیں ویلے اِبنِ آدم آسی تاں کیا زمین اُتے اِیمان پے سی؟“

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“

یُوحنّا 1:51

وَل اُونکُوں آکھیا، ”مَیں تُہاکُوں سچ آدھا ہاں جو تُساں اسمان کُوں کُھلا تے خُدا دے فرشتیاں کُوں اُتے ویندے تے اِبنِ آدم اُتے لہندے ڈیکھسو۔“

یُوحنّا 3:13

کوئی اسمان اُتے نئیں گِیا سوائے اُوندے جیہڑا اسمان کنُوں لتھے یعنی اِبنِ آدم۔

یُوحنّا 3:14

جِینویں مُوسیٰ بیابان ءچ نانگ کُوں اُچائی اُتے چڑھایا، اُونویں ای ضرور ہے جو اِبنِ آدم وی اُچائی اُتے چڑھایا ونجے۔

یُوحنّا 6:27

فانی خوراک کیتے محنت نہ کرو بلکہ اُوندے کیتے جیہڑی ہمیشاں دی زندگی تئیں باقی راہندی ہے جیہڑی اِبنِ آدم تُہاکُوں عطا کریسی۔ کیوں جو خُدا باپ اُونہی اُتے مُہر کیتی ہے۔“

یُوحنّا 6:53

یسُوع اُنہاں کُوں آکھیا، ”مَیں تُہاکُوں سچ آدھا ہاں جو جئیں تئیں تُساں اِبنِ آدم دا گوشت نہ کھاؤ تے اُوندا خون نہ پِیؤ، تُہاڈے ءچ زندگی نہ ہوسی۔

یُوحنّا 6:62

جے تُساں اِبنِ آدم کُوں اُتے ویندا ڈیکھسو، جِتھاں او پہلے ہا، تاں کیا تھیسی؟

یُوحنّا 12:34

لوکاں اُونکُوں جواب ڈِتا ”اساں شریعت ءچوں ایہ سُنڑیا ہے جو المسیح ہمیشاں تئیں زندہ راہسی، وَل تُساں کیوں آدھے ہیوے جو ’اِبنِ آدم دا اُچے اُتے چڑھایا ونجنڑ ضرور ہے؟‘ ایہ اِبنِ آدم کوݨ ہے؟“

یُوحنّا 13:31

جِیں ویلے یہُوداہ باہر چلیا گِیا تاں یسُوع آکھیا، ”ہُنڑ اِبنِ آدم جلال پایا ہے تے خُدا اُوندے ءچ جلال پایا ہے۔

اعمال 7:56

آکھیا جو ”ڈیکھو، مَیں اسمان کُوں کُھلیا تے اِبنِ آدم کُوں خُدا دے سجے پاسُوں کھڑا ڈیدھا ہاں۔“