متّی 8:13 - کِتاب مُقدّس سرائیکی ترجمہ

¹³ تے یسُوع صوبیدار کُوں آکھیا، ”وَنج جِینویں تیڈا اِیمان ہے تیڈے کیتے اُونویں ای تھیوے، تے اُوں ویلے ای نوکر شِفا پا گِھدی۔“

متّی دی راہِیں اِنجِیل سرائیکی بولی اِچ

¹³ وَل یِسُوع صوبیدار دو ݙیکھ کرائیں آکھیا، ”تُوں گھر دو لڳا وَنڄ جیویں تَیں اِیمان رکھیے تیݙے کیتے اُونویں ای تھیسی۔“ اَتے اُوں لحظے اِچ ای اُوندے نوکر کُوں شِفا مِل ڳئی۔

متّی 8:13 Referans Kwoze

یُوحنّا 4:50

یسُوع اُونکُوں جواب ڈِتا ”وَنج تیڈا پوتر زندہ راہسی۔“ اُوں بندے اُوں گالھ دا یقین کیتا جیہڑی یسُوع اُونکُوں آکھی ہئی تے چلیا گِیا۔

مرقس 9:23

یسُوع اُونکُوں آکھیا، ”کیا! جے تُساں کر سگدے ہیوے؟ جیہڑا اِیمان رکھیندے اُوندے کیتے سبھ کُجھ تھی سگدے۔“

متّی 17:20

یسُوع اُنہاں کُوں جواب ڈِتا، ”آپنڑے اِیمان دی کمی دی وجہ کنُوں۔ کیوں جو مَیں تُہاکُوں سچ آدھا ہاں جو جے تُہاڈے ءچ رائی دے دانڑے دے برابر وی اِیمان ہوسی تاں تُساں اِیں پہاڑ کُوں آکھ سگسو جو ’اِتُھوں کنُوں اُتھاں کِھسک وَنج،‘ تاں او کِھسک ویسی تے تُہاڈے کیتے کوئی کم نا ممکن نہ ہوسی۔

متّی 15:28

وَل یسُوع اُونکُوں جواب ڈِتا، ”عورت! تیڈا اِیمان بہُوں وڈا ہے۔ جِینویں تُوں چاہندی ہیں تیڈے کیتے اُونویں ای ہووے۔“ تے اُوندی دِھی اُوں ویلے ای شِفا پائی۔

متّی 9:22

یسُوع مُڑ تے اُونکُوں ڈِٹھا تے آکھیا، ”دِھی حوصلہ رکھ۔ تیڈے اِیمان تیکُوں چنگا کر ڈِتے۔“ تے او تریمت اُوں ویلے ای ٹھیک تھی گئی۔

متّی 8:4

یسُوع اُونکُوں آکھیا، ”خبر دار، کہیں کُوں نہ ڈساویں بلکہ وَنج تے آپنڑے آپ کُوں کاہِن کُوں ڈِکھا تے جیہڑا نذرانہ مُوسیٰ مقرر کیتے او پیش کر، تاں جو اُنہاں کیتے گواہی ہووے۔“

مرقس 7:29

اُوں اُونکُوں آکھیا، ”تَیں چنگا جواب ڈِتے، اِیں واسطے وَنج۔ بدرُوح تیڈی دِھی ءچوں نِکل گئی ہے۔“