متّی 7:24 - کِتاب مُقدّس سرائیکی ترجمہ

²⁴ اِیں واسطے جیہڑا کوئی میڈے ایہ گالھیں سُنڑدے تے اُنہاں اُتے عمل کریندے او اُوں عقلمند بندہ وانگُوں ہوسی جئیں آپنڑاں گھر چٹان اُتے بنڑایا۔

متّی دی راہِیں اِنجِیل سرائیکی بولی اِچ

²⁴ ”اَتے جیرھا میݙیاں ایہ ڳالھیں سُݨدے اَتے اِنہیں اُتے عمل کریندے او ہُوں سیاݨے بندے وانگوں ہے جَیں اپݨے گھر دا ایرا پکی جاہ اُتے رکھیا۔

متّی 7:24 Referans Kwoze

یُوحنّا 13:17

جے تُساں اِنہاں گالھیں کُوں جانڑدے ہیوے تاں مُبارک ہیوے پر شرط ایہ ہے جو اُنہاں اُتے عمل وی کرو۔

لُوقا 11:28

اُوں آکھیا، ”ہاں، پر جیہڑے لوک خُدا دا کلام سُنڑدے تے اُوندے اُتے عمل کریندے ہِن او زیادہ مُبارک ہِن۔“

1 یُوحنّا 2:3

جے اساں اُوندے حُکماں اُتے عمل کرُوں تاں ساکُوں یقین تھی ویندے جو اساں اُونکُوں جاݨ گِھدے۔

یُوحنّا 14:15

جے تُساں میڈے نال محبت کریندے ہیوے تاں میڈے حُکماں اُتے عمل کرو۔

یُوحنّا 15:14

جے تُساں میڈے حُکماں اُتے عمل کریسو تاں میڈے دوست ہوسو۔

یُوحنّا 15:10

جے تُساں میڈے حُکماں اُتے عمل کریسو تاں میڈی محبت ءچ قائم راہسو، جِینویں مَیں آپنڑے باپ دے حُکماں اُتے عمل کیتے تے اُوندی محبت ءچ قائم ہاں۔

متّی 12:50

کیوں جو جیہڑا کوئی میڈے اسمانی باپ دی مرضی اُتے چلدے اُوہو میڈا بِھرا تے میڈی بھینڑ تے میڈی ماء ہے۔“

متّی 7:25

تے بارش تھئی تے سیلاب آیا تے اندھاریاں گُھلیاں تے اُوں گھر کُوں ٹکراں ماریاں پر او نہ ڈھٹھا، کیوں جو اُوندی بنیاد چٹان اُتے رکھی گئی ہئی۔

متّی 7:26

تے جیہڑا کوئی میڈے ایہ گالھیں سُنڑدے تے اُنہاں اُتے عمل نئیں کریندا او اُوں بیوقُوف بندہ وانگُوں ہوسی جئیں آپنڑاں گھر ریت اُتے بنڑایا۔

متّی 16:18

تے مَیں وی تیکُوں آدھا ہاں جو تُوں پطرس ہیں، تے مَیں اِیں چٹان اُتے آپنڑی کلیسیا قائم کریساں تے موت وی اُوندے اُتے غالب نہ آ سگسی۔

متّی 24:45

او دیانتدار تے عقلمند نوکر کیہڑا ہے، جِینکُوں اُوندا مالک آپنڑے گھر دے بئے نوکراں چاکراں اُتے مقرر کرے، تاں جو اُنہاں کُوں ویلے نال کھانڑا ڈِتا کرے؟

متّی 25:2

اُنہاں ءچوں پنج بیوقُوف تے پنج عقل مند ہَن۔

متّی 25:4

پر جیہڑایاں عقلمند ہَن اُنہاں آپنڑے ڈیویاں دے علاوہ کُپیاں ءچ تیل وی آپنڑے نال گِھن گِھدا۔

متّی 25:9

عقل مند کُنواریاں جواب ڈِتا، ’نئیں، متاں ایہ تیل ساڈے تے تُہاڈے ڈوہائیں کیتے کافی نہ ہووے۔ چنگا اِیہو ہے جو تُساں دُکان تے ونجو تے آپنڑے کیتے مُل گِھن گِھنو۔‘

رومیوں 2:13

کیوں جو شریعت کُوں سُنڑݨ آلے خُدا دی نِگاہ ءچ راستباز نئیں ہوندے بلکہ شریعت اُتے عمل کرݨ آلے ای راستباز کھڑائے ویسن۔