متّی 7:22 - کِتاب مُقدّس سرائیکی ترجمہ

²² اُوں ڈینہہ بہُوں سارے میکُوں اکھیسن ’مالک! مالک! کیا اساں تُہاڈے ناں نال تبلیغ نئیں کیتی تے تُہاڈے ناں نال بدرُوحاں نئیں کڈھیاں تے تُہاڈے ناں نال بہُوں سارے معجزے نئیں کیتے؟‘

متّی دی راہِیں اِنجِیل سرائیکی بولی اِچ

²² مَحشر دے ݙینہہ ٻَہُوں سارے لوک مَیکُوں آکھسِن، ’اَے خُداوند! اَے خُداوند! کیا اَساں تیݙا ناں گھِن کرائیں پیش گوئی نَئیِں کیتی اَتے تیݙا ناں گھِن کرائیں بَد‌رُوحیں کُوں نَئیِں کڈھیا اَتے تیݙا ای ناں گھِن کرائیں مُعجِزے نَئیِں ݙِکھائے؟‘

متّی 7:22 Referans Kwoze

2 تِیمُتھِیُس 1:12

اِیہو وجہ ہے جو مَیں ہُنڑ ڈُکھ چیندا ہاں۔ پر مَیں شرمیندا نئیں کیوں جو جئیں اُتے مَیں اِیمان رکھیندا ہاں، اُونکُوں جانڑدا ہاں تے میکُوں یقین ہے جو او آپنڑے وَل آوݨ آلے ڈینہہ تئیں میڈی امانت دی حفاظت کر سگدے۔

2 تِیمُتھِیُس 4:8

ہُنڑ راستبازی دا تاج میڈے کیتے رکھیا ہے۔ ایہ تاج خُداوند جیہڑا عادل مُنصف ہے میکُوں آپنڑے واپس آوݨ دے ڈینہہ ڈیسی۔ تے نہ صرف میکُوں بلکہ اُنہاں ساریاں کُوں وی جِنہاں اُوندے ظاہر تھیوݨ دی سِک رکھی ہے۔

یُوحنّا 11:51

پر اُوں ایہ آپنڑی طرفوں نئیں بلکہ اُوں سال دے کاہِن ِ اعظم دی حیثیت نال نبُوّت کیتی ہئی جو یسُوع پُوری قوم کیتے مرسی۔

1تھِسّلُنیکیوں 5:4

پر بِھراؤ! تُساں اندھارے ءچ نئیں جو او ڈینہہ چور وانگُوں تُہاڈے اُتے آ پووے۔

لُوقا 10:12

مَیں تُہاکُوں آدھا ہاں جو اُوں ڈینہہ سدُوم دا حال اُوں شہر دے حال کنُوں زیادہ برداشت دے لائق ہوسی۔

متّی 25:11

وَل او باقی کُنواریاں وی آ گئیاں تے آکھنڑ لگیاں، ’ مالک! مالک! ساڈے کیتے دَر کھول ڈیؤ۔‘

متّی 24:36

پر اُوں ڈینہہ تے اُوں ویلے دے بارے ءچ کوئی نئیں جانڑدا، نہ اسمان دے فرشتے نہ پوتر پر صرف باپ۔

متّی 7:21

میکُوں ’مالک! مالک!‘ آکھنڑ آلا ہر بندہ اسمان دی بادشاہی ءچ داخل نہ تھیسی، پر اُوہو جیہڑا میڈے اسمانی باپ دی مرضی اُتے ٹُردے۔

2 تِیمُتھِیُس 1:18

خُداوند کرے جو قیامت آلے ڈینہہ اُوندے اُتے خُداوند دا رحم تھیوے۔ تیکُوں چنگی طرحاں پتا ہے جو اُوں اِفِسُس ءچ میڈی بہُوں خدمت کیتی ہئی۔

2تھِسّلُنیکیوں 1:10

ایہ اُوں ڈینہہ تھیسی جڈاں یسُوع آ تے آپنڑے مُقدّس لوکاں ءچ جلال پیسی تے سبھ اِیماندار اُوندی شان ڈیکھ تے حیران تھیسن تے اُوندی تعریف کریسن۔ اُنہاں ءچ تُساں وی شامل ہوسو کیوں جو تُساں ساڈی گواہی اُتے اِیمان گِھن آئے ہَوے۔

متّی 10:15

مَیں تُہاکُوں سچ آدھا ہاں جو عدالت دے ڈینہہ سدُوم تے عمُورہ دے علاقے دا حال اُوں شہر دے حال کنُوں زیادہ برداشت دے لائق ہوسی۔