متّی 7:21 - کِتاب مُقدّس سرائیکی ترجمہ

²¹ میکُوں ’مالک! مالک!‘ آکھنڑ آلا ہر بندہ اسمان دی بادشاہی ءچ داخل نہ تھیسی، پر اُوہو جیہڑا میڈے اسمانی باپ دی مرضی اُتے ٹُردے۔

متّی دی راہِیں اِنجِیل سرائیکی بولی اِچ

²¹ ”خُدا دی بادشاہی اِچ وَنڄن کیتے صرف مُونہہ کنُوں مَیکُوں اَے خُداوند! اَے خُداوند! آکھݨ کافی نَئیِں۔ اُتھاں اُوہے ویسِن جیرھے میݙے اَسمانی باپ دے حُکمیں اُتے عمل کریندِن۔

متّی 7:21 Referans Kwoze

رومیوں 2:13

کیوں جو شریعت کُوں سُنڑݨ آلے خُدا دی نِگاہ ءچ راستباز نئیں ہوندے بلکہ شریعت اُتے عمل کرݨ آلے ای راستباز کھڑائے ویسن۔

لُوقا 6:46

جیہڑے ویلے تُساں میڈے آکھنڑ اُتے عمل نئیں کریندے تاں میکُوں مالک، مالک کیوں آدھے ہیوے؟

یعقُوب 1:22

کلام اُتے عمل کرݨ آلے بنڑو نہ جو صرف سُنڑݨ آلے جیہڑے خود کُوں دوکھا ڈیندے ہِن۔

لُوقا 11:28

اُوں آکھیا، ”ہاں، پر جیہڑے لوک خُدا دا کلام سُنڑدے تے اُوندے اُتے عمل کریندے ہِن او زیادہ مُبارک ہِن۔“

طِطُس 1:16

او خُدا دی پچھاݨ دا دعویٰ تاں کریندے ہِن پر آپنڑے کماں تُوں اُوندا اِنکار کریندے ہِن، کیوں جو او مکرُوہ تے نافرمان ہِن تے کوئی نیک کم کرݨ دے قابل نئیں۔

عبرانیوں 4:6

جِنہاں سبھ تُوں پہلے ایہ خوشخبری سُنڑی او آپنڑی نافرمانی دی وجہ کنُوں داخل نہ تھی سگے، پر کُجھ ہُنڑ وی داخل تھی سگدے ہِن۔

یُوحنّا 6:40

کیوں جو میڈے بھیجنڑ آلے دی مرضی ایہ ہے جو جیہڑا کوئی پوتر کُوں ڈیکھے تے اُوندے اُتے اِیمان گِھن آوے او ہمیشاں دی زندگی پاوے تے مَیں اُونکُوں قیامت آلے ڈینہہ ولا زندہ کراں۔“

مُکاشفہ 3:5

جیہڑا غالب آسی، اُونکُوں اُنہاں آلی کار چِٹے کپڑے پوا ڈِتے ویسن تے مَیں اُوندا ناں کتاب ِ حیات ءچوں کڈھائیں خارج نہ کریساں بلکہ آپنڑے باپ تے اُوندے فرشتیاں دے سامنڑے اُوندے ناں دا اِقرار کریساں۔

1 پطرس 4:2

ہُنڑ او دُنیا ءچ آپنڑی باقی زندگی اِنسانی بُریاں خواہشاں دے مطابق نئیں بلکہ خُدا دی مرضی دے مطابق گُزارے۔

عبرانیوں 13:21

تُہاکُوں ہر چنگی شے ڈیوے تاں جو تُساں اُوندی مرضی پُوری کر سگو، تے جیہڑا کُجھ اُوندی نظر ءچ پسندیدہ ہے، او یسُوع مسیح دے وسیلے نال ساڈے ءچ پیدا کرے۔ مسیح دی تعریف ہمیشاں تئیں تھیندی راہوے۔ آمین۔

متّی 12:50

کیوں جو جیہڑا کوئی میڈے اسمانی باپ دی مرضی اُتے چلدے اُوہو میڈا بِھرا تے میڈی بھینڑ تے میڈی ماء ہے۔“

مُکاشفہ 22:14

مُبارک ہِن او جیہڑے آپنڑے چولے دھوندے ہِن کیوں جو زندگی دے درخت تئیں پُجنڑ دا حق پیسن تے اُنہاں پھاٹکاں کنُوں شہر ءچ داخل تھیسن۔

یُوحنّا 3:5

یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔

متّی 18:3

تے آکھیا، ”مَیں تُہاکُوں سچ آدھا ہاں جو جے تُساں توبہ نہ کرو تے بالاں وانگُوں نہ بنڑو تاں تُساں اسمان دی بادشاہی ءچ اصلُوں داخل نہ تھیسو۔

یُوحنّا 7:17

جے کوئی اُوندی مرضی اُتے چلنڑ چاہوے تاں او اِیں تعلیم دے بارے ءچ جاݨ گِھنسی جو خُدا دی طرفوں ہے یا مَیں آپنڑے کولُھوں آدھا ہاں۔

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

مرقس 3:35

کیوں جو جیہڑا کوئی خُدا دی مرضی اُتے چلدے اُوہو میڈا بِھرا، میڈی بھینڑ تے میڈی ماء ہے۔“

1تھِسّلُنیکیوں 5:18

ہر گالھ ءچ شُکرگزاری کرو کیوں جو مسیح یسُوع ءچ تُہاڈے کیتے خُدا دی اِیہو مرضی ہے۔

اِفِسیوں 6:6

آدمیاں کُوں خوش کرݨ آلیاں آلی کار صرف ڈِکھاوے کیتے خدمت نہ کرو بلکہ مسیح دے خدمت گُزار ہوندے ہوئے دل نال خُدا دی مرضی پُوری کرو۔

1 پطرس 2:15

کیوں جو خُدا دی مرضی ایہ ہے جو تُساں نیکی کر تے جہالت دے گالھیں کرݨ آلے ناسمجھ لوکاں دے مُنہ بند کر ڈیؤ۔

متّی 25:21

اُوندے مالک اُونکُوں آکھیا، ’شاباش میڈے چنگے تے اِیماندار نوکر۔ تُوں تھوڑے ءچ اِیماندار ریہا۔ مَیں تیکُوں بہُوں ساریاں چیزاں دا مُختار بنڑیساں۔ آپنڑے مالک دی خوشی ءچ شریک تھی۔‘

1تھِسّلُنیکیوں 4:3

خُدا دی مرضی ایہ ہے جو تُساں پاک راہو تے زِناکاری کنُوں بچے راہو۔

کلُسِّیوں 4:12

اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

لُوقا 13:25

جِیں ویلے گھر دا مالک اُٹھی تے دروازہ بند کر ڈیسی تے تُساں باہر کھڑے دروازہ کھڑکا تے ایہ اکھیسو جو ’مالک! ساڈے کیتے دَر کھول ڈیؤ۔‘ او جواب ڈیسی جو ’مَیں تُہاکُوں نئیں جانڑدا جو کِتھوں دے ہیوے۔‘

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

لُوقا 18:25

اُٹھ دا سُوئی دے نکے ءچوں لنگھ ونجنڑ، دولت مند دے خُدا دی بادشاہی ءچ داخل تھیوݨ کنُوں زیادہ سوکھا ہے۔“

مرقس 9:47

تے جے تیڈی اکھ تَیں کنُوں گُناہ کراوے تاں اُونکُوں کڈھ سَٹ کیوں جو کانڑاں تھی تے خُدا دی بادشاہی ءچ داخل تھیوݨ، ڈُو اکھیں رکھیندے ہوئے دوزخ ءچ ونجنڑ کنُوں چنگا ہے۔

متّی 19:24

مَیں وَل آدھا ہاں جو اُٹھ دا سُوئی دے نکے ءچوں لنگھ ونجنڑ، دولت مند دے اسمان دی بادشاہی ءچ داخل تھیوݨ کنُوں زیادہ سوکھا ہے۔“

متّی 18:35

میڈا اسمانی باپ وی تُہاڈے نال اِینویں ای کریسی جے تُہاڈے ءچوں ہر ہِک آپنڑے بِھرا کُوں دل تُوں معاف نہ کرے۔“

یُوحنّا 15:23

جیہڑا میڈے نال نفرت کریندے او میڈے باپ نال وی نفرت کریندے۔

متّی 26:42

وَل او چلیا گِیا تے ایہ آکھ تے دُعا کیتی، ”میڈے باپ! جے ایہ پیالہ میڈے پیتے بغیر ٹَل نئیں سگدا تاں تیڈی مرضی پُوری تھیوے۔“

متّی 16:17

یسُوع جواب ءچ اُونکُوں آکھیا، ”شمعون بِن یُوناہ، تُوں مُبارک ہیں کیوں جو ایہ گالھ اِنسان نئیں بلکہ میڈے اسمانی باپ تَیں اُتے ظاہر کیتی ہے۔

مُکاشفہ 2:27

بالکل اِینویں جِینویں مَیں وی آپنڑے باپ کنُوں اِختیار پاتے، ’او لُوہے دی سوٹی نال اُنہاں اُتے حکُومت کریسی، تے اُنہاں کُوں مِٹی دے تھانواں آلی کار ٹُکڑے ٹُکڑے کر ڈیسی۔‘

یُوحنّا 14:7

جے تُساں میکُوں جاݨ گِھدا ہوندا تاں میڈے باپ کُوں وی جانڑدے۔ ہُنڑ تُساں اُونکُوں جاݨ گئے ہیوے بلکہ اُونکُوں ڈیکھ گِھدے۔“

یُوحنّا 5:17

پر یسُوع اُنہاں کُوں آکھیا جو ”میڈا باپ ہُنڑ تئیں آپنڑا کم کریندے تے مَیں وی کریندا ہاں۔“

متّی 26:39

وَل ذرا اگُوں وَنج تے او زمین اُتے مُنہ دے بھار ڈھے تے دُعا کرݨ لگا جو ”میڈے باپ، جے ممکن ہووے تاں ڈُکھ دا ایہ پیالہ مَیں کنُوں ٹَل ونجے، وَل وی جیہڑا مَیں چاہندا ہاں او نئیں بلکہ جیہڑا تُوں چاہندیں اُوہو تھیوے۔“

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

متّی 18:19

مَیں تُہاکُوں ولا آدھا ہاں جو جے تُہاڈے ءچوں ڈُو بندے زمین اُتے کہیں شے کیتے اِتفاق نال دُعا کریسن تاں او میڈے اسمانی باپ دی طرفوں اُنہاں کیتے تھی ویسی۔

متّی 25:10

جیہڑے ویلے او تیل گِھننڑ ویندیاں پئیاں ہَن تاں گھوٹ آ گِیا تے جیہڑیاں تیار ہَن گھوٹ دے نال شادی دی دعوت ءچ اندر چلیاں گئیاں تے دَر بند تھی گِیا۔