متّی 7:15 - کِتاب مُقدّس سرائیکی ترجمہ

¹⁵ کُوڑے نبیاں تُوں خبردار راہو جیہڑے تُہاڈے کولھ بھیڈاں دی شکل ءچ آندے ہِن پر اندرُوں چِیرݨ پھاڑن آلے نہر ہِن۔

متّی دی راہِیں اِنجِیل سرائیکی بولی اِچ

¹⁵ ”جیرھے کُوڑے نبی بݨ کرائیں اَندِن اُنہیں کنُوں ہُشیار رَواہے او تُہاݙے کولھ بِھیݙیں وانگوں بھولے بݨ کرائیں اَندِن پَر اندر کنُوں او چیر پاڑ کرَݨ آلے نَہریں وانگوں ہوندِن۔

متّی 7:15 Referans Kwoze

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔

متّی 24:11

بہُوں سارے کُوڑے نبی اُٹھی کھڑے تھیسن تے بہُوں سارے لوکاں کُوں گُمراہ کر ڈیسن۔

کلُسِّیوں 2:8

خبردار! کوئی بندہ تُہاکُوں اُنہاں فلسفیانہ تے بے فائدہ دوکھے آلے گالھیں دا شکار نہ کر گِھنے، جیہڑیاں اِنسانی روایتاں تے دُنیاوی اصُولاں دے مطابق ہِن نہ جو مسیح دے مطابق۔

مُکاشفہ 19:20

پر اُوں حیوان کُوں گرفتار کر گِھدا گِیا تے اُوندے نال اُوں کُوڑے نبی کُوں وی جئیں اُوندی خاطر معجزانہ نشان ڈِکھائے ہَن۔ اُنہاں معجزیاں دے ذریعے اُوں اُنہاں لوکاں کُوں جِنہاں حیوان دا نشان لوایا ہا تے اُوندے بُت دی عبادت کیتی ہئی، گُمراہ کیتا ہا۔ او ڈوہائیں گندھک نال بلدی ہوئی بھاہ دی جھیل ءچ زندہ سَٹ ڈِتے گئے۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔

2 پطرس 3:17

اِیں واسطے عزیزو! تُساں جیہڑے اِنہاں گالھیں تُوں پہلے ای خبردار ہیوے، ہوشیار راہو، اِینویں نہ تھیوے جو بدکاراں دے غلط گالھیں تُہاکُوں گُمراہ کر تے محفوظ جاہ تُوں ہٹا ڈیوݨ۔

لُوقا 6:26

افسوس تُہاڈے اُتے جیہڑے ویلے سبھ لوک تُہاڈی تعریف کرݨ کیوں جو اُنہاں دے پِیُو ڈاڈا کُوڑے نبیاں دے نال وی اِینویں ای کریندے ہَن۔

2 تِیمُتھِیُس 3:13

تے بدکار تے دوکھے باز لوک فریب ڈیندے ڈیندے تے فریب کھاندے کھاندے وِگڑدے ویسن۔

2 تِیمُتھِیُس 4:3

کیوں جو ایجھا وقت آندا پئے جو لوک صحیح تعلیم دی برداشت نہ کریسن بلکہ آپنڑیاں آپنڑیاں نفسانی خواہشاں دے مطابق ایجھے اُستاد جمع کریسن جیہڑے اُوہو اکھیسن جیہڑا او سُنڑݨ چاہندے ہِن۔

فِلِپّیوں 3:2

اُنہاں کُتیاں کنُوں ہُشیار راہو، یعنی اُنہاں بدکاراں تے جِسم کٹواوݨ آلیاں کنُوں۔

اِفِسیوں 4:14

وَل اساں اگُوں تے بال نہ راہسوں تے غلط تعلیم دی ہر تیز ہوا نال پانڑی دیاں چھلاں وانگُوں اِڈے اُڈے واہندے نہ راہوں، تے چالباز تے مکار لوکاں دے گُمراہ کر ڈیوݨ آلے منصوبیاں دا شکار نہ بنڑوں۔

گلتِیوں 2:4

ایہ مسئلہ اُنہاں کُوڑے مسیحی بِھرانواں دی طرفوں بنڑیا، جیہڑے چُپ چپیتے ساڈے وچال وڑ آئے ہَن تاں جو جاسُوسی کر تے اُوں ازادی کُوں جاݨ سگنڑ جیہڑی مسیح یسُوع ءچ ساکُوں حاصل تھئی ہئی تے ساکُوں ولا غُلامی ءچ گِھن آوݨ۔

لُوقا 12:15

تے اُوں اُنہاں کُوں آکھیا، ”خبردار! آپنڑے آپ کُوں ہر قِسم دے لالچ کنُوں بچائی رکھو، کیوں جو کہیں اِنسان دی زندگی دا بھروسہ اُوندے مال دولت دی کثرت اُتے نئیں۔“

مُکاشفہ 16:13

وَل مَیں اژدہے دے مُنہ کنُوں تے حیوان دے مُنہ کنُوں تے کُوڑے نبی دے مُنہ کنُوں ڈیڈراں دی شکل وانگُوں ترے ناپاک رُوحاں کُوں نِکلدے ڈِٹھا۔

اِفِسیوں 5:6

کوئی تُہاکُوں فضول گالھیں نال دوکھا نہ ڈیوے، کیوں جو اِنہاں گالھیں دے سببّوں نافرماناں اُتے خُدا دا غضب نازل تھیندے۔

اعمال 13:40

بس خبردار! اِینویں نہ تھیوے جو جیہڑا نبیاں دیاں کتاباں ءچ لِکھیا ہے او تُہاڈے اُتے سچ تھیوے جو

یُوحنّا 10:12

پر مزدُور جیہڑا نہ تاں بھیڈاں دا آجڑی ہوندے تے نہ ای مالک، او نہر کُوں آندا ڈیکھ تے بھیڈاں کُوں چھوڑ تے بھج ویندے تے نہر بھیڈاں کُوں پکڑ تے تِتربِتر کر ڈیندے۔

متّی 16:11

تُساں ایہ کیوں نئیں سمجھے جو مَیں تُہاکُوں روٹی دے بارے ءچ نئیں آکھیا؟ بس فریسیاں تے صدوقیاں دے خمیر کنُوں خبردار راہو۔“

متّی 16:6

یسُوع اُنہاں کُوں آکھیا، ”خبردار فریسیاں تے صدوقیاں دے خمیر کنُوں ہوشیار رہوائے۔“

متّی 10:17

پر لوکاں کنُوں خبردار رہوائے کیوں جو او تُہاکُوں پکڑ تے عدالتاں ءچ پیش کریسن تے آپنڑے عبادت خانیاں ءچ تُہاکُوں کوڑے مریسن۔

مُکاشفہ 17:6

مَیں ڈِٹھا جو او عورت مُقدّساں تے یسُوع دے شہیداں دا خون پی پی تے مدہوش تھی گئی ہئی۔ اُونکُوں ڈیکھ تے میکُوں بہُوں حیرانگی تھئی۔

اعمال 13:6

جِیں ویلے او سارے جزیرے ءچوں تھیندے ہوئے پافُس تئیں پُجے تاں اُتھاں اُنہاں کُوں بریسوع ناں دا ہِک یہُودی جادُوگر تے کُوڑا نبی مِلیا۔

متّی 7:14

کیوں جو او دروازہ تنگ ہے تے او رستہ سُکڑا ہے جیہڑا زندگی آلے پاسے گِھن ویندے تے اُوں تُوں داخل تھیوݨ آلے تھوڑے ہِن۔

مُکاشفہ 20:10

تے ابلیس، جئیں اُنہاں کُوں گُمراہ کیتا ہا، گندھک تے بھاہ دی جھیل ءچ سٹیا گِیا جِتھاں او حیوان تے کُوڑا نبی وی ہئی تے او ڈینہہ رات ہمیشاں تئیں عذاب ءچ راہسن۔