متّی 7:1 - کِتاب مُقدّس سرائیکی ترجمہ

¹ ”عیب جوئی نہ کرو تُہاڈی وی عیب جوئی نہ کیتی ویسی۔

متّی دی راہِیں اِنجِیل سرائیکی بولی اِچ

¹ ”کہیں دے بارے ایہ فیصلہ نہ کرو جو او قصُور وار ہے تاں جو تُہاݙا وی اِینجھا فیصلہ نہ کیتا وَنڄے۔

متّی 7:1 Referans Kwoze

لُوقا 6:37

عیب جوئی نہ کرو، تُہاڈی وی عیب جوئی نہ کیتی ویسی۔ مُجرم نہ بنڑاؤ، تُساں وی مُجرم نہ بنڑائے ویسو۔ معاف کرو، تُہاکُوں وی معاف کیتا ویسی۔

لُوقا 6:41

تُوں آپنڑے بِھرا دی اکھ ءچ ککھ کیوں ڈیدھیں تے اُوں شتِیر اُتے غور نئیں کریندا جیہڑا تیڈی اکھ ءچ ہے؟

متّی 7:5

منافق! پہلے آپنڑی اکھ دا شتِیر تاں کڈھ گِھن وَل آپنڑے بِھرا دی اکھ دے ککھ کُوں چنگی طرحاں ڈیکھ تے کڈھ سگسیں۔

متّی 7:2

کیوں جو جِینویں تُساں عیب جوئی کریندے ہیوے اُونویں ای تُہاڈی وی عیب جوئی کیتی ویسی، تے جیہڑے تھاں نال تُساں نپیندے ہیوے اُوندے نال ای تُہاڈے کیتے ناپیا ویسی۔

یعقُوب 3:1

میڈے بِھراؤ! تُہاڈے ءچوں بہُوں سارے کلام سِکھاوݨ آلے نہ بنڑݨ کیوں جو تُساں جانڑدے ہیوے جو خُدا ڈُوجھیاں دے مُقابلے ءچ اساں اُستاداں دی زیادہ سختی نال عدالت کریسی۔

یُوحنّا 8:7

جِیں ویلے او سوال کریندے ریہے تاں اُوں کھڑا تھی تے اُنہاں کُوں آکھیا، ”تُہاڈے ءچوں جیہڑا بے گُناہ ہووے اُوہو سبھ کنُوں پہلے اُونکُوں پتھر مارے۔“