متّی 6:9 - کِتاب مُقدّس سرائیکی ترجمہ

⁹ بس تُساں اِینویں دُعا کیتا کرو جو ساڈے باپ، تُوں جیہڑا اسمان اُتے ہیں تیڈا ناں پاک منیا ونجے۔

متّی دی راہِیں اِنجِیل سرائیکی بولی اِچ

⁹ ”اِیں کیتے تُساں اِیویں دُعا منگو، ’اَے ساݙے اَسمانی باپ! تُوں جیرھا اَسمانیں اُتے تخت نشین ہَئیِں۔ تیݙا ناں پاک مَنیا وَنڄے۔

متّی 6:9 Referans Kwoze

مُکاشفہ 4:11

”اے خُداوند ساڈے خُدا تُوں ای جلال، عزت تے قُدرت دے لائق ہیں، کیوں جو تَیں ای ساریاں چیزاں کُوں خلق کیتے، تے او ساریاں تیڈی ای مرضی نال وجود ءچ آئیاں ہِن۔“

رومیوں 8:15

کیوں جو تُہاکُوں ایجھی رُوح نئیں مِلی جیہڑی تُہاکُوں ڈرݨ آلے غُلام بنڑیندی ہے بلکہ خُدا دی رُوح مِلی ہے جیہڑی تُہاکُوں لےپالک بنڑیندی ہے جیندے وسیلے نال اساں ”ابّا“ یعنی ”باپ“ آکھ تے سڈیندے ہیں۔

گلتِیوں 4:6

کیوں جو تُساں پوتر ہیوے اِیں واسطے خُدا آپنڑے پوتر دا رُوح القُدس ساڈے دِلاں ءچ بھیجیا تے او ”ابّا“ یعنی ”باپ“ آکھ تے سڈیندا راہندے۔

مُکاشفہ 5:12

او اُچی اواز نال آدھے پئے ہَن جو ”ذبح تھیّا ہویا لیلا ای قُدرت، دولت، حِکمت، عزت، جلال تے تمجید دے لائق ہے۔“

متّی 7:11

جِیں ویلے تُساں بُرے ہووݨ دے باوجود آپنڑے بالاں کُوں چنگیاں چیزاں ڈیوݨ جانڑدے ہیوے تاں تُہاڈا اسمانی باپ، آپنڑے منگنڑ آلیاں کُوں چنگیاں چیزاں کیوں نہ ڈیسی؟

متّی 26:29

مَیں تُہاکُوں آدھا ہاں جو مَیں انگُور دا رَس اُوں ڈینہہ تئیں ولا کڈھائیں نہ پِیساں، جئیں تئیں آپنڑے باپ دی بادشاہی ءچ تُہاڈے نال نواں نہ پِیواں۔“

متّی 23:9

زمین اُتے کہیں کُوں آپنڑا باپ نہ آکھو کیوں جو تُہاڈا باپ ہِکو ہے جیہڑا اسمان اُتے ہے۔

متّی 5:16

اِیں طرحاں تُہاڈی روشنی لوکاں دے سامنڑے چمکے تاں جو او تُہاڈے نیک کماں کُوں ڈیکھ تے تُہاڈے اسمانی باپ دی تمجید کرݨ۔

لُوقا 15:18

مَیں اُٹھی تے آپنڑے پِیُو کولھ ویساں تے اُونکُوں اکھیساں، ”ابّا! مَیں اسمان دے خلاف تے تیڈے خلاف گُناہ کیتے۔

1 پطرس 1:17

خُدا، جِیں تُوں تُساں باپ آکھ تے دُعا کریندے ہیوے، بغیر طرفداری دے ہر بندے دے عمل دے مطابق اُوندا اِنصاف کریندے، اِیں واسطے جئیں تئیں تُساں دُنیا ءچ مسافر دے طور تے راہندے ہیوے، خُدا دے خوف ءچ زندگی گُزارو۔

1 تِیمُتھِیُس 6:16

صرف اُوہو غیر فانی ہے، تے او اُوں نُور ءچ راہندے جِتھاں کوئی پُج نئیں سگدا۔ اُونکُوں کہیں اِنسان نئیں ڈِٹھا تے نہ ڈیکھ سگدے۔ اُوندی عزت تے سلطنت ہمیشاں تئیں قائم راہوے، آمین۔

لُوقا 15:21

پوتر آکھیا، ’ابّا! مَیں اسمان دے خلاف تے تیڈے خلاف گُناہ کیتے۔ ہُنڑ اِیں لائق نئیں ریہا جو وَل تیڈا پوتر اکھواواں۔‘

لُوقا 2:14

”سبھ تُوں اُچے اسمان اُتے خُدا دی تمجید ہووے تے زمین اُتے اُنہاں آدمیاں نال صُلح جِنہاں تُوں او خوش ہے۔“

متّی 6:14

جے تُساں لوکاں دے قصُور معاف کریسو تاں تُہاڈا اسمانی باپ وی تُہاکُوں معاف کریسی۔

متّی 6:6

بلکہ جِیں ویلے تُوں دُعا کریں تاں آپنڑی کوٹھڑی ءچ وَنج، تے دروازہ بند کر تے آپنڑے اسمانی باپ کنُوں جیہڑا نظر کنُوں لُکیا ہے دُعا کر۔ وَل تیڈا باپ جیہڑا تیڈے لُکے ہوئے کم ڈیدھے تیکُوں اجر ڈیسی۔

متّی 5:48

بس تُساں کامِل بنڑو جِینویں تُہاڈا اسمانی باپ کامِل ہے۔“

گلتِیوں 1:1

ایہ خط میں پولُس رسُول دی طرفوں ہے۔ مَیں نہ تاں اِنساناں دی طرفوں، نہ کہیں بندے دے وسیلے رسُول مقرر کیتا گِیا بلکہ یسُوع المسیح تے خُدا باپ دے وسیلے جئیں یسُوع مسیح کُوں مُردیاں ءچوں زندہ کیتا۔

یُوحنّا 20:17

یسُوع اُونکُوں آکھیا، ”میکُوں پکڑی نہ رکھ کیوں جو مَیں حالی تئیں باپ دے کولھ اُتے نئیں گِیا، بلکہ وَنج تے میڈے بِھرانواں کُوں ڈسا جو مَیں آپنڑے باپ تے آپنڑے خُدا دے کولھ ویندا ہاں جیہڑا تُہاڈا وی باپ تے خُدا ہے۔“

متّی 26:42

وَل او چلیا گِیا تے ایہ آکھ تے دُعا کیتی، ”میڈے باپ! جے ایہ پیالہ میڈے پیتے بغیر ٹَل نئیں سگدا تاں تیڈی مرضی پُوری تھیوے۔“

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

متّی 10:29

کیا ہِک سِکے ءچ ڈُو چِڑیاں نئیں وِکدیاں؟ تے اُنہاں ءچوں ہِک وی تُہاڈے باپ دی مرضی دے بغیر زمین اُتے نئیں ڈھے سگدی۔