متّی 6:5 - کِتاب مُقدّس سرائیکی ترجمہ

⁵ تے جِیں ویلے تُساں دُعا کرو تاں منافقاں آلی کار نہ کرو۔ او عبادت خانیاں تے بازاراں دے چوکاں ءچ کھڑے تھی تے دُعا کرݨ پسند کریندے ہِن تاں جو لوک اُنہاں کُوں ڈیکھنڑ۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

متّی دی راہِیں اِنجِیل سرائیکی بولی اِچ

⁵ ”جݙّاں تُساں دُعا منگو تاں ریاکاریں وانگوں نہ منگاہے جیرھے عبادت گاہیں اَتے گلی محلّیں اِچ وَنڄ کرائیں دُعا کرَݨ پسند کریندِن تاں جو سارے لوک اُنہیں کُوں ݙیکھݨ، مَیں تُہاکُوں سچّ اَہداں جو اُنہیں کُوں اپݨا اجر مِل ڳئے۔

متّی 6:5 Referans Kwoze

متّی 6:2

بس جِیں ویلے تُوں خیرات کریں تاں آپنڑے اگُوں ڈھنڈورہ نہ پِٹوا، جِینویں منافق عبادت خانیاں تے گلیاں ءچ نرسِنگا وجوا تے کریندے ہِن تاں جو لوک اُنہاں دی تعریف کرݨ۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

لُوقا 18:13

پر محصُول گِھننڑ آلے دُور کھڑ تے اسمان دو نِگاہ وی نہ کیتی بلکہ چھاتی پِٹ پِٹ تے آکھیا، ’اے خُدا! مَیں گُنہگار اُتے رحم کر۔‘

مرقس 11:25

جِیں ویلے تُساں دُعا کیتے کھڑے تھیندے ہیوے، جے تُہاکُوں کہیں کنُوں کُجھ شِکوہ ہے تاں اُونکُوں معاف کر ڈیؤ تاں جو تُہاڈا اسمانی باپ وی تُہاڈے گُناہ بخش ڈیوے۔

لُوقا 20:47

او بیوہ عورتاں دے گھراں کُوں ہڑپ کر گِھندے ہِن تے ڈِکھاوے کیتے لمبیاں لمبیاں دُعاواں کریندے ہِن۔ اُنہاں کُوں زیادہ سزا مِلسی۔“

یعقُوب 4:6

پر او تاں ساکُوں زیادہ توفیق ڈیندے۔ اِیں واسطے کلام ءچ آکھیا گئے جو، ”خُدا مغرُوراں دا مُقابلہ کریندے پر عاجزی کرݨ آلیاں اُتے مہربانی کریندے۔“

لُوقا 18:1

وَل یسُوع شاگرداں کُوں سِکھاوݨ کیتے جو ہر ویلے دُعا کریندے راہوݨ تے ہِمت نئیں ہارنڑی چاہیدی، ایہ مثال سُنڑائی:

اِفِسیوں 6:18

ہر ویلے رُوح القُدس ءچ ہر طرحاں نال دُعا تے مِنت کریندے راہو۔ تے اِیں مقصد کیتے جاگدے راہو تے سارے مُقدّساں کیتے ہر ویلے دُعا کریندے راہو۔

لُوقا 11:43

فریسیو! تُہاڈے اُتے افسوس، تُساں عبادت خانیاں ءچ اُچے درجے دیاں کُرسیاں تے بازاراں ءچ سلام چاہندے ہیوے۔

متّی 21:22

تے جیہڑا کُجھ تُساں دُعا ءچ اِیمان نال منگسو او تُہاکُوں مِلسی۔“

1تھِسّلُنیکیوں 5:17

بلاناغہ دُعا کرو۔

یُوحنّا 16:24

ہُنڑ تئیں تُساں میڈے ناں تُوں کُجھ نئیں منگیا۔ منگسو تاں مِلسی تاں جو تُہاڈی خوشی پُوری تھیوے۔

مرقس 12:38

وَل یسُوع آپنڑی تعلیم ءچ آکھیا جو ”شریعت دے عالماں کنُوں خبردار رہوائے جیہڑے لمبے لمبے چولے پا تے پِھرݨ پسند کریندے ہِن تے چاہندے ہِن جو لوک بازاراں ءچ اُنہاں کُوں سلام کرݨ،

متّی 9:38

اِیں واسطے فصل دے مالک دی مِنت کرو جو آپنڑی فصل کپنڑ کیتے مزدُور بھیج ڈیوے۔“

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

متّی 23:6

او دعوتاں تے عبادت خانیاں ءچ اُچے درجے دیاں کُرسیاں،

متّی 6:16

جِیں ویلے تُساں روزہ رکھو تاں منافقاں آلی کار آپنڑا مُنہ نہ بنڑاؤ، کیوں جو او آپنڑاں مُنہ وِگڑیندے ہِن تاں جو لوکاں کُوں پتہ لگے جو او روزے نال ہِن۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

متّی 6:1

”خبر دار، آپنڑے نیک کم لوکاں کُوں ڈِکھاوݨ کیتے نہ کرو۔ کیوں جو تُہاڈا اسمانی باپ تُہاکُوں کوئی اجر نہ ڈیسی۔

متّی 23:5

او آپنڑے سبھ کم لوکاں کُوں ڈِکھاوݨ کیتے کریندے ہِن۔ او وڈے تعوِیذ پیندے ہِن، تے آپنڑی پُشاک دے گھیرے چوڑے رکھیندے ہِن۔

لُوقا 6:24

پر افسوس تُہاڈے اُتے جیہڑے دولت مند ہیوے کیوں جو تُساں آپنڑی تسلی پا چُکے۔