متّی 6:4 - کِتاب مُقدّس سرائیکی ترجمہ

⁴ تاں جو تیڈی خیرات لُکی راہوے۔ وَل تیڈا باپ جیہڑا لُکے ہوئے کم ڈیدھے، تیکُوں اجر ڈیسی۔

متّی دی راہِیں اِنجِیل سرائیکی بولی اِچ

⁴ اِیویں تیݙی رازداری نال ݙِتی ہوئی خیرات دا اجر تیݙا اَسمانی باپ ݙیسی جیرھا سب کُجھ ڄاݨدے۔“

متّی 6:4 Referans Kwoze

متّی 6:18

تاں جو بندہ نئیں بلکہ تیڈا اسمانی باپ جیہڑا نظر کنُوں لُکیا ہے، تیکُوں روزہ دار جانڑے۔ اِیں صورت ءچ تیڈا باپ جیہڑا نظر کنُوں لُکے ہوئے کم ڈیدھے، تیکُوں اجر ڈیسی۔

متّی 6:6

بلکہ جِیں ویلے تُوں دُعا کریں تاں آپنڑی کوٹھڑی ءچ وَنج، تے دروازہ بند کر تے آپنڑے اسمانی باپ کنُوں جیہڑا نظر کنُوں لُکیا ہے دُعا کر۔ وَل تیڈا باپ جیہڑا تیڈے لُکے ہوئے کم ڈیدھے تیکُوں اجر ڈیسی۔

لُوقا 14:14

تے تیکُوں برکت مِلسی، کیوں جو اُنہاں دے کولھ کُجھ نئیں جیندے نال او تیڈا احسان لہا سگن، تے تیکُوں اِیں احسان دا بدلہ راستبازاں دی قیامت ءچ مِلسی۔“

لُوقا 8:17

کوئی چیز لُکی نئیں جیہڑی ظاہر نہ تھی ویسی، تے نہ ای کوئی ایجھا بھید ہے جیہڑا کھولیا نہ ویسی تے نظر نہ آسی۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

متّی 10:42

تے جیہڑا اِنہاں چھوٹیاں ءچوں کہیں کُوں میڈا شاگرد مَن تے ہِک پیالہ ٹھڈا پانڑی ای پِلیسی تاں مَیں تُہاکُوں آدھا ہاں او آپنڑا اجر ہرگز نہ ونجیسی۔“

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

متّی 6:3

بلکہ جِیں ویلے تُوں خیرات کریں تاں جیہڑا کُجھ تُوں آپنڑے سجے ہتھ نال ڈیویں اُوندا تیڈے کھبے ہتھ کُوں پتہ نہ لگے۔