متّی 6:25 - کِتاب مُقدّس سرائیکی ترجمہ

²⁵ اِیہو وجہ ہے جو مَیں تُہاکُوں آدھا ہاں جو نہ تاں آپنڑی زندگی دی فِکر کرو جو کیا کھاسوں یا کیا پی سُوں، نہ آپنڑے تَن دی جو کیا پیسُوں؟ کیا جان خوراک کنُوں تے بدن پُشاک کنُوں ودھ تے نئیں؟

متّی دی راہِیں اِنجِیل سرائیکی بولی اِچ

²⁵ ”اِیں کیتے مَیں تُہاکُوں ݙسینداں جو اپݨی حیاتی دی ضرورتاں پوریاں کرَݨ کیتے فکر نہ کراہے جو اَساں کیا کھاؤسوں یا کیا پِیسوں؟ اَتے جان دی فکر نہ کرو جو اَساں کیا پَیسوں؟ کیا جان کھاوَݨ کنُوں اَتے جسم پُشاک کنُوں وَدھ کَینی؟

متّی 6:25 Referans Kwoze

فِلِپّیوں 4:6

کہیں گالھ دی فِکر نہ کرو، بلکہ ہر حالت ءچ دُعا تے مِنت دے ذریعے تُہاڈیاں درخاستاں خُدا دے سامنڑے شُکرگزاری نال پیش کیتیاں ونجنڑ۔

1 پطرس 5:7

آپنڑیاں ساریاں فِکراں اُوندے اُتے سَٹ ڈیؤ کیوں جو او تُہاڈی فِکر کریندے۔

رومیوں 8:32

جئیں آپنڑے پوتر کُوں قُربان کرݨ تُوں وی دریغ نہ کیتا بلکہ ساڈے ساریاں کیتے اُونکُوں موت دے حوالے کر ڈِتا تاں او اُوندے نال ساکُوں بئیاں ساریاں چیزاں وی کیوں نہ ڈیسی؟

متّی 6:31

اِیں واسطے فِکر کر تے ایہ نہ آکھو جو اساں کیا کھاسوں یا کیا پی سُوں یا کیا پے سُوں؟

مرقس 4:19

پر دُنیا دی فِکر تے دولت دا فریب تے ڈُوجھیاں چیزاں دا لالچ آ تے کلام کُوں دبا ڈیندے تے اُونکُوں پھل نئیں لگ دا۔

متّی 10:19

پر جِیں ویلے او تُہاکُوں پکڑواوݨ تاں فِکر نہ کرائے جو اساں کِینویں تے کیا آکھوں کیوں جو جیہڑا کُجھ آکھنڑا ہوسی اُوں ویلے تُہاکُوں ڈسا ڈِتا ویسی۔

1کُرِنتھِیوں 7:32

مَیں ایہ چاہندا ہاں جو تُساں بے فِکر راہو۔ غیر شادی شدہ بندہ خُداوند دے گالھیں دی فِکر ءچ راہندے جو کِینویں خُداوند کُوں خوش کرے۔

متّی 6:34

بس کل دی فِکر نہ کرو کیوں جو کل دا ڈینہہ آپنڑی فِکر آپ ای کر گِھن سی۔ اَج کیتے اَج دا ڈُکھ کافی ہے۔“

2 تِیمُتھِیُس 2:4

کوئی سپاہی آپنڑے آپ کُوں دُنیا دے معاملیاں ءچ نئیں پھسیندا کیوں جو او بھرتی کرݨ آلے کُوں خوش کرݨ چاہندے۔

لُوقا 8:14

تے جیہڑا جھاڑیاں ءچ ڈھٹھا، اُوہو لوک ہِن جیہڑے سُنڑدے تاں ہِن پر آہستہ آہستہ زندگی دیاں فِکراں تے دولت تے عیش و عشرت ءچ پَھس ویندے ہِن تے اُنہاں دا پھل پکدا نئیں۔

متّی 13:22

تے جھاڑیاں ءچ رہایا گِیا بیج اُوندی مثال ہے جیہڑا کلام کُوں سُنڑدا تاں ہے پر دُنیا دی فِکر تے دولت دا فریب اُونکُوں دبا ڈیندے تے اُونکُوں پھل نئیں لگدا۔

لُوقا 12:11

تے جیہڑے ویلے او تُہاکُوں عبادت خانیاں ءچ تے حاکماں تے اِختیار آلیاں دے کولھ گِھن ونجنڑ تاں فِکر نہ کرائے جو اساں کِینویں یا کیا جواب ڈیؤں، یا کیا آکھوں،

مرقس 13:11

پر جِیں ویلے تُہاکُوں پکڑ تے عدالت ءچ پیش کیتا ونجے تاں پہلے کنُوں فِکر نہ کرائے جو اساں کیا اکھیسوں۔ بلکہ جیہڑا کُجھ تُہاکُوں اُوں ویلے ڈسایا ونجے اُوہو اکھائے، کیوں جو آکھنڑ آلے تُساں نئیں بلکہ رُوح القُدس ہے۔